NG'THU K'THUUK~ 30:9 - Cho Bible Common Language 2016

⁹ Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

NG'THU K'THUUK~ 30:9 Referans Kwoze

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

THULÄÄN NAK 31:20

Ami pupa gui ung shai ka tak ah mäih ah kei naw ngami cu ng’büh mang ne ang lei nik ciah khaw ung ka hteh püi gui khai. A cu ah ngami naw ami ng’zak hlü ah ei avan gah khai gui, ngami cu kyäp nep sei om khai gui. Cun ung phi ngami cu a hei ah ng’hlat ne a hei khanpughi gui khawihnah khai gui. Ngami naw kei cu na hnu ng’tuk püi u ne, ka thumkhän cu m’shet khai gui.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

JEREMIAH 2:31

Israel chang gui, kei ah ka pyen cu ngai vä, kei cu nangmi ah khong gau ah mäih, hmüp ne kyih vai kyak ciah kho ah mäih ah ka kya man ne ang? A i ah kyasei nami mät ah yeikyai nak vai ah nami bik khai ah nami pyen ang, cun ah kya ne nangmi cu kei ah kä nami law bap hung ci?

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

MATTHE 26:74

Peter naw, “Kei naw cun ah chang cu kä ka hmat ci nei, ka hleei ka pyein ung Khanpughi naw na hmu sä,” cine pyein ne ma ba mä ci.

MATTHE 26:72

Peter naw, “Cun ah chang kä ka hmat ci nei,” cine ng’cim ne pyein ne ma ba mä ci.

JOSHUA 24:27

Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

NG'THU K'THUUK~ 29:24

M’guk ei ah apaw cu akkaa pikbäih amät ah gaa ah kyak ci. Ani naw yung ah hman ci a pyen ung ani cu m’kyuk nak gah khai. Kä a pyen ung Khanpughi naw plahtaam khai.

TAIGÜTHUM 5:1

Katphyawn-douthak nak gui cu aka ah a mawng ma gui ung hlü ci. Chang tumat cu yung ah saksi khai ah k’thäh u khäta, a hmuh ang yak ah mawng cu kä pyen ne a om ah a kyak ung, acun ah akat nak cu amät naw chaw nak khai.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

SAM 125:3

Changshe gui naw chang düng gui ah kho cu, kä uk lä khai gui; Ami uk lä ah a kyak ung chang düng gui naw phi, akshe bi lawk khai gui.

ISAIAH 59:13

Keimi naw kami ning hnung’tuk pui küknet püi ci nei, kami ning läk vai ah kami mak ci nei. Kei mi naw chang hei gui shedam na u ne, nang ung ka, a hei ah kami ng’hlat ci nei. Kami ngaih-tüh kä hman ci, kami ng’thu phi hleei ah kyak ci.

JEREMIAH 5:12

Bawipa ah chang gui naw ani maa na u neta, ami pyen cu, “ani naw akzang ah a i kä bi lawk khai nei, mikmi ung ng’tuk nak la kho a zaw nak kä om khai nei.”

EZEKIEL 23:35

Tuhbäi shin cu uktu Bawipa naw a pyen nei: Nangmi naw kei na m’hnih ne nami na ng’hlah tak ah phäh ah, nami htuk htik la nami pawmzau ah phäh ah nami yaica khai.” Ng’pai nam goi Ani nik hnih ah khan ah khanpughi ah ng’thumcha nak