NG'THU K'THUUK~ 30:8 - Cho Bible Common Language 2016

⁸ Hleeihlak nak ungka nak pang ä, Kä na pyam sak, kä na mang sak en ä. Cun ah kyasei ka ng’yak hlü ng’büh khai ah ei vai bäng na pe ä.

NG'THU K'THUUK~ 30:8 Referans Kwoze

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

LUKA 11:3

“Ak hnüüp tä kami ng’büh nak vai Ei na pe gui ä.

SAM 119:37

A kholä maih ah kyak ci ma nak ungka, na k’pang ne; Na shaitak ah mäih ah na ni kyom püi ä.

SAM 119:29

Lam she ung hteh nak ungka na m’hlat ba ne, na ni nak ung na thukhän cu na m’thei ä.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

NG'THU K'THUUK~ 21:6

Kä düng nak awn na gah ah bühmang nak cu angghit ah maih ba khai. Acun naw sih nak ah m’kawt ung ning hteh püi khai.

MATTHE 6:11

Ak hnüüp tä ng’büh nak vai ei na pe gui ä.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

2 GHANGPUGHANG GUI 25:30

A hnüüp tä sei, ani a ghin ah chuih, angyak hlü ah amang vai phi pe tak ci gui.

PHYAWN NAK 16:35

Israel gui naw Manna m’htut cu khokum phlikip ung ei ci gui. Ami om nak vai ah Kanaan khaw ah kä ami gawk pha ah chuih ah kyak ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

ISAIAH 5:18

Nami khaw mü ci nei! Nangmi nami katnak ung ka, kä nami phyawng hlawt ci nei.

THUSHÄUTU 1:2

Ak thuuk hmat ci naw pyen ci, Shin cu akholä nei, akholä ne, ghin nak cu akholä nei, avan akholä nei.

PHYAWN NAK 16:18

Ami kaw cu nän u sei, akda kaw ci kaa kä pawih ci, api kaw ci phi kä ken ci, ami ng’büh nak phäh phäh vai ah kyak ci.

PHYAWN NAK 16:15

Israel gui naw hmu u ne, a i ah kä hmat u neta, ami mät ng’shi tu u ne, “Shin a i ang?” cik ci gui. Moses naw ngami am, “Shin cu nami ei vai ah Bawipa naw a ning pek gui ci ei ah kyak ci.

JEREMIAH 52:34

Ani a ghin ah chuih a hnüüp tä sei, ang yak hlü ah a mang vai phi pek ci gui.

JEREMIAH 37:21

Cun ah kyasei ghangpughang Zedekiah naw Ebäi ne mang im kyong ah na khai shi ci. Kei a cu ah om ngä sei, mang gaw ung m’htut avan kä angpyi pha ung m’htut ami yoih nak ah kaa naw a hnüp tä sei m’htut pum ät ci na pe lawk ci gui.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

PHYAWN NAK 16:29

Nami shüm ba vai, kei, Bawipa naw, düm nak hnüüp ka ning pe gui ci, cun ah kyasei a chuk hnüüp ung, kei naw hnüüp goi nami ei vai ka ning pe gui khai. A chih hnüüp ung van a om vai, a u naw im kä a phlän en vai” cine m’thein ci.

ATÜNNAK 28:20

Cun kawn ah Jakob naw Bawipa ung thukhän a bi cu, “Ka hteh nak ah lam ung na ngäng ne, na m’htei ne, sui la ei na na pek ah a kyak ung,

JOHAN 2:8

Bawipa Jesuh naw, “Khlüng ungka tui sook ne, imah ang vaipi am thak vä” ci sei, sook ne thak ci gui.

ISAIAH 59:4

Nangmi cu yung ah nami hteh ung phi, taga khai ah a i kä nami bik ci. Amawngma ung nami näng vai düt ah nami hleei ci. Nangmi naw chang ah mat nak vai cu pawng püi ne nami law püi ci.

NG'THU K'THUUK~ 30:7

Ka ning yoi ci Khanpughi, kä ka sih pha ung pahnih na pe ä,

NG'THU K'THUUK~ 13:5

Düng ciah chang naw hleeihlak cu thüi nak ci. Cun ung phi chang shekha gui ah ng’thu cu ng’aa nak vai la thüi nak vai ah kyak ci.