NG'THU K'THUUK~ 30:5 - Cho Bible Common Language 2016

⁵ Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

NG'THU K'THUUK~ 30:5 Referans Kwoze

SAM 18:30

Khanpughi ah bi cu kümbe ci! Ang’thu cu ng’düih nak ah kyak ci. Ani shui ne ng’yii ci gui ah hmawk ah shawi ah kya ci.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

SAM 119:140

Na shaitak cu a i hlawk ah ng’htei ci! Kei naw a i hlawk ah ka m’hni ci aw!

SAM 91:2

Ng’thu a pyen vai cu, “Nang cu ka ng’yii nak la na shung vong ciah na kyak ci. Nang cu ka Khanpughi; nang ung kei ka ng’ap ci,” ciah kyak ci.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

ROMAN 7:12

Cun ah kya sei thukhän cu theing cim ci, thukhän cu ng’cim ne, ng’düng ne, nik ci.

SAM 144:2

Ani cu ka ngäng nak la ka ng’shung nak, ka ng’yii nak la ka hunbawi ah kyak ci, ani ung yumhtek ne ka phyawng ci. Ani naw changpakhui avan cu ka kaa ah tha ci.

SAM 19:8

Bawipa ah thumkhän gui cu düng ci, läk ciah chang cu yeikyai sak ci. Bawipa ah thumkhän taga ci, m’lung kyong ung lung’lang nak pek ci.

2 SAMUEL 22:31

Khanpughi ah bi lawh cu kümbe aih ci, ang thu cu khäng htek aih ci nei! Ani ah shungvong nak shui ci van ah phäh ah Ani cu shawi ah mäih ah kyak ci nei.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

NG'THU K'THUUK~ 2:7

Ani naw chang veih, changnicu shungvong nak pek ci.

SAM 18:31

Bawipa bäng cu Khanpughi ah kyak ci; Khanpughi bäng cu mi ng’shung nak ah kyak ci.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.