NG'THU K'THUUK~ 30:4 - Cho Bible Common Language 2016

⁴ Ani ung khankho hmuhmat nak lam ung abawi om ne ang? Ngami naw ami kut awn khokhi pha man u ne ang? tui phi pyon awn htun man u ne ang? Khomdek khan ung ng’gii mä tän man u ne ang? Ngami cu a u gui ang, na hmat gui ne ang? Ami hta nau gui cu a u gui ang?

NG'THU K'THUUK~ 30:4 Referans Kwoze

JOHAN 3:13

Khankho ah kaa kyum lawk ciah Chang ah Htapa ah kawn ah a u phi khankho ah kä gawk man ci nei.”

JOB 26:8

Khanpughi naw khong mei cu tui awn be sak ne gih ne kä ang kyak vai ah k’pang ci.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

THULÄÄN NAK 30:12

Shin naw khomik kä han pha ci, Nangmi naw shikcha ah kä nami ng’shi vai. ‘A u cu hang kai ne keimi ah hmawk ah shin cu kyum law püi ba khai aw? Cun ung kei naw kami ng’ya hning khai, kami läk hning khai.’

THU PHLAAN 19:12

Amik cu meidäi ah pying ne, alu ung lukhu akda ng’büng ci. Amät kawn ah a u naw kä a hmat ah ang ming cu ani ah khan ah ng’guk ci.

ROMAN 10:6

Cun ung phi cacim theing naw, yum nak awn Khanpughi ung düng nak ah mawng a pyein cu, “A u-ang khankho ah a hang kai kaw! (Cun cu Bawi Khrit hang khü vai ah kyak ci).

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

ISAIAH 53:8

Ani cu pha u neta, ngawn ci gui, Cun ung phi ani ah ghin nak cu a u naw a i ah kä ngai ci. Ani cu mikmi chang gui ah katnak ah phäh ah sih nak ami pek ah kyak ci.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

PHYAWN NAK 6:3

Abraham, Isaak la Jakob ni ah ma ah M’gäi ciah Khanpughi ah ka ng’dang ci. Cun ung phi ka ming theing cu Bawipa ah ami na hmat vai ah ka mät naw ka mät kä ka bik ci.

SUKI GUI 13:18

Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

SAM 24:2

Ani naw a cun cu m’dek ah ka, tui li thuuk ung co ne, tuinu ah khui ah tungkhaw k’süm ci.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

ATÜNNAK 32:29

Jakob naw, “Na ming cu na m’thein ä” cik ci. Ani naw, “A i ah kyasei kei ah ming na hmat hlü ang?” ci neta Jakob am hriham pek ci.

PHYAWN NAK 15:10

Bawipa, nang naw hnü ät na muh awn Egypt gui cu tui naw m’sih gui ci. Kyihshek ciah tui ung lung ah mäih ah hnim ci gui.

SAM 135:7

Ani naw khomdek ah kem ah ka khomei gui ci kai law sak ci; kho phi lailäp ne ng’hmum kyeek sak ci, a im khei ungka khokhi phi luh law sak ci.

ISAIAH 45:18

Bawipa naw khankho gui tüisho ci ani tumat bäng khanpughi ah kyak ci! Ani naw m’dek cu m’hnüm ne pyang ci ani naw müi ne khäng khai ah pyang ci. Ani naw khaw k’shiu ah a pyan ah kä kyak ci, chang ah om nak ah hmun ah a pyan ah kyak ci. Ani naw thu a pyen cu, “Kei cu Bawipa nei, a hei khanpughi kä om ci nei.

JOB 11:7

Khanpughi ah a dämduh nak la a huham ah akhüt nak la ang gii nak cu nang naw na hmu hning ne ang?

JOB 11:8

Khomik cu Khanpughi ah phäh ah akhüt nak kä om ci, cun ung phi nang ah kä na gawk nak ah ahei khaw ah ng’shawng ei ci nei. Khanpughi naw khomdek khan ah sih nak cu hmat ci, cun ung phi nang naw kä nah mat ci.