NG'THU K'THUUK~ 30:17 - Cho Bible Common Language 2016

¹⁷ Apa gaih m’gin ne ghi lawk ciah anu päipih ciah chang cu langta gui naw ei khai gui nei, kaap gui naw amik kawih khai gui nei.

NG'THU K'THUUK~ 30:17 Referans Kwoze

NG'THU K'THUUK~ 23:22

Na pa na ngaih vai, ani kä a om ung nang kä na om khai. Na nu a ghi law ung ani naktung aih nak cu na m’dang vai.

NG'THU K'THUUK~ 30:11

Apa plahtam ne anu kä yum ngak ciah chang amshah om ci,

TAIGÜTHUM 20:9

Bawipa naw shin ah thungyo gui cu pe gui ci. A u chang phi anu apa plah ciah chang phung cu, ngawn vai, ani cu amät ah sik nak vai bik ciah kyak ci.

NG'THU K'THUUK~ 20:20

Na nupa na plah taam ung nang ah ghin nak cu hmup khui ung phat ciah mei im ah maih ah ng’pyi khai.

2 SAMUEL 21:10

Cun kawn ah Saul ah chubawk, Aiah ah hta hnumi Rizpah cu thüi ung sui ah sui la neta, gook gui ah om nak lung song khan ah amät ah phäh ah phung tu neta, htang tün ne bi law ung tün ne, vakiak khaw a aa law ung khüt sei a cun ung om ci. Hnüüp yah ung ani naw kha gui cu gook ung kä ng’et khai ah ghung ne, mü ah khisa kä lawk khai ghung khawng ci.

1 SAMUEL 17:44

Ani naw David cu gheet taap ne, “Law ä, kei naw na pumsa cu kha gui la khisa gui am ka vuh khai nei.”

THULÄÄN NAK 28:26

Nangmi nami sih ung kha gui la khisa gui cu law u ne, nami pumsa cu ei khai gui. Cun gui cu a u naw phi kä k’täm gui khai.

NG'THU K'THUUK~ 15:20

Cüivai ciah hta naw apa yeikyai sak ci, chang awng ang naw anu päipih ci.

NG'THU K'THUUK~ 30:18

Kei ah phäh ah kä hmat hlawt vai ah ng’yih thuh ciah amawng phli om ci;

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’