NG'THU K'THUUK~ 30:13 - Cho Bible Common Language 2016

¹³ Mi mät naw ami mät ni aih ciah ngai ciah chang gui om ci — a i hlawk ah kami nik ci ang? cine ami mät naw ngai ci gui.

NG'THU K'THUUK~ 30:13 Referans Kwoze

ISAIAH 2:11

Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.

SAM 131:1

Bawipa, chang ah ka ng’shei nak cu ka nawng ci, chang yawshe nak phi ka ng’hlah tak ci. A tung khak ah phi kä ka kyak ci, khüikha nak gui vai phi kä ka yum ci.

SAM 101:5

Chang tumat mat akshe ah m’thüi nak ciah chang cu, kei naw ka nawng khai; chang ah ng’shei ne, chang yaw k’she nak cicu kä ka hnim gei khai.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

ISAIAH 3:16

Bawipa naw, “Teng vä, Jerusalem ung hnumi gui shi, a i hlawk ah chang ah ng’shei ci gui ang! Ngami cu khaw häu ung dong ne hteit hton ci gui. Ngami cu angtäi sei lawklak ci gui. Ang ghin hta ah m’khan u ne, ami khaw m’awi ung ami khawkhih phi ching ching ah ng’ging ci.

NG'THU K'THUUK~ 21:4

Chang shekha gui cu chang om nak la yoshe nak naw k’pang gui ci. Cun cu katnak ah kyak ci.

ISAIAH 5:15

Chang nü cu thui hwai khai gui, chang k’om ci gui ami van cu yuk buh gui khai.