NG'THU K'THUUK~ 30:10 - Cho Bible Common Language 2016

¹⁰ Abawi ah ma ah changshäm cu kä nami täitawk vai. A cun ah phäh ah nang cu plah tam nak la geinvai nak na gah khai.

NG'THU K'THUUK~ 30:10 Referans Kwoze

ROMAN 14:4

Nang a u ah kya ne chang hei ah changshäm cu nam khoichaa tu vai ang! Cun ah changshäm naw a bilawh a näng la kä a näng cu, amät ah bawi naw m’khoichak khai nei. Ani cu näng khai nei, a i ah kya sei ci ung Bawipa naw ani cu näng khai ah am htei ah kyak ci.

THUSHÄUTU 7:21

Chang ah ng’thu päng geing na ne kä na ngaih vai, — na changshäm ah päipih nak ng’thu phi na ng’ya hning ci,

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

DANIEL 6:13

Cun kawn ah ngami naw ghangpughang am, “Daniela, Judah ah kaa omtu tumat naw nang ghangpughang cu kä ning chang m’sui ci nei, nang ah m’hnüt ah thukbäi cu kä läk ci nei. Ani cu hnüüp ät ung thum vei ci taigü ci nei” cik ci gui.

NG'THU K'THUUK~ 28:27

Dukhaih ciam na pektak vai, nang ung a i ka hlü ba khai. Dukhaih ciah ma ah na mik nam shin ung chang gui naw ning plahtam khai gui.

NG'THU K'THUUK~ 11:26

Geit m’sep ne a phu a küi law ung a yoih vai ah gim ciah chang cu chang gui naw plah ci gui. Cun ung phi htang yoi ciah chang cu m’hlüngtai ci gui.

1 SAMUEL 30:15

David naw, “Cun ah ng’tuk bik ci gui ah na na khah püi hning khai aw?” cik ci. Ani naw, “Kä nami na ngawn khai, ka bawi am kä nami na ap ba khai ah Khanpughi ah ming ung shai nami tak ung läi ka ning khah püi gui khai” cik ci.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 24:9

ani naw, “Kei naw ka ning bi vai ah ka tha nak ciah chang gui ah pyen cu a i ah kyasei na ngaih ang?

THULÄÄN NAK 23:15

“Changshäm tumat cu chang nak ci ungka dawng ne nami shungvong vai ah a law ah a kyak ung, kä nami hlawt ba vai.

THULÄÄN NAK 15:9

A i baw chang am k’pu tu vai ah kä nami maa en vai. A i ah kyasei ci ung chang am k’pu nawng pek nak vai ah kho kum cu ng’et lawk ci nei. Shin ah mäih ak she ah ngaih-tüh nak nam lung kyong ung kä na luh en sak vai nei. Chang am k’pu tu vai ah na maa ah a kyak ung ani cu Bawipa ah kyap ne ng’pa ne, nang ning hnungtuk püi khai nei, cun ung nang cu katnak na bik ciah kyak khai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.