NG'THU K'THUUK~ 3:6 - Cho Bible Common Language 2016

⁶ Na bi nak päng ung Bawipa om ciah na shüm vai. Ani naw düng ciah lam ning m’shüm khai.

NG'THU K'THUUK~ 3:6 Referans Kwoze

NG'THU K'THUUK~ 16:3

Bi vai na pawng pui p’hung cu Bawipa naw ak phyuhtheh vai ah na ap vai, cun ung na bi nak phung ung m’khut nang nak om khai.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

NG'THU K'THUUK~ 16:9

Nangmi naw bi vai ah nami pawng pui ci, Cun ung phi nami hnun thawh nak ung Khanpughi naw ning m’shumthein gui ci.

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

ISAIAH 30:21

Nangmi cu lam hma u ne k’eng täng ni mä, k’pat täng ni mä nami ci law ah a kyak ung, nangmi naw nai hnu ah ani ak’aw nami ng’yak khai, “lam shin ung nei. Shin ung hteit vä” cik khai nei.

ISAIAH 48:17

Israel gui ah theingcim ciah khanpughi, Ning hun gui ciah Bawipa naw pyen ci; “Kei cu Bawipa nami na khanpughi nei. Kei naw nami ni nak vai ning m’thei thang gui ne, nami hteh nak vai lam ka ning m’shüm gui hlük ci nei.

KOLOSE 3:23

Nami bi phung phung cu chang ah bi bi ah mäih ah kä kyak ciah Bawipa ah bi bi ah mäih ah nami m’lung kyong avan awn nami bi vai.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

NG'THU K'THUUK~ 23:17

Hmakat ciah chang ah khan ah kä nami vamneng vai, Bawipa kyih aa sak ne, nami ghin päi vai.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

ISAIAH 45:13

Apäng avang ng’düng ne, ka ng’bü nak gui akümbe nak vai ah, kei kamät naw Sairus cu m’thütho ne ka hnünthawh sak ci nei. Ani ah hteh nak vai ah lam päng cu kei naw ka düng sak khai nei. Ani naw ka mang gaw, Jerusalem cu co ba khai nei, ami pha gui ah ka chang gui cu m’hlaut gui khai nei. Shin abi vai ah ani cu, a u naw phi kä pek ci nei.” M’gäi ciah Bawipa naw ng’thu a pyen nei.

NEHEMIAH 1:11

Tuhbäi kei ah taigü na ngaih pe ä, nang ning m’tamkhah hlük ciah a hei na chang gui ami van ah taigü phi ngaih peä. Tuhngawi kei ung näng nak na yuk pe lawä, uktu bawi am kei cu na chimgein sak ä.” Cun yah ung kei cu uktu bawi am sapyit tui thak ciah ka kyak ci nei.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

EZRA 7:27

Ezra naw, “Mi pupa gui ah Khanpughi Bawipa cu m’hlüngtai nei. Jerusalem ah Bawipa ah a Taigüim shicha ah ghangpughang naw am tamkhah hlü vai ah ani naw bik ci nei.

2 KORIN 8:16

Keimi naw kami ning m’hteihtang gui hlü ah mäih ah Titus cu kyak sak ciah Khanpughi cu m’hlünttai nei.

KHEI NAK 9:20

A hnü ät Phung ah khan ah khaw ng’mei khaw hnüüp api hta ung a om ah a kyak ung, Bawipa ah thumkhän ngai u ne, shaum pigaw ung om ci gui, kä cun ung hteit ci gui.

NEHEMIAH 7:5

Chang gui, ami ng’vai gui la ami bawi gui k’bum gui ne, ami kyong chang m’hnüt gui k’tä gui vai ah Khanpughi naw kei cu na m’shumphyuk ci. Ami pha nak gui ung ka law ba htük ci gui ah m’hnüt rekawt ah mawng cu kei naw ka hmat ci, kei ah hmuh ah mawng cu shin ah kyak ci.

NG'THU K'THUUK~ 11:5

Düng nak naw changniah ghin nak cu bä sak pi ci. Cun ung phi chang shekha naw amät ah kiuk ng’tän nak vai bik ci.

JEREMIAH 42:3

Bawipa kami khanpughinaw kami hteh nak vai ah lam la kami loi lawh vai cu ana m’hnuh gui vai ah na taigü pe gui ä.”

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.