NG'THU K'THUUK~ 3:5 - Cho Bible Common Language 2016

⁵ Bawipa cu na m’lung kyong avan awn na yum vai, na mät ah hmuhmat nak ung kä na ng’khüng vai.

NG'THU K'THUUK~ 3:5 Referans Kwoze

SAM 37:5

Bawipa am na pum pe ä; ani ung ng’ap ä, ani naw ning m’htei khai nei;

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

NG'THU K'THUUK~ 22:19

Bawipa ung nami yum nak a htek vai cu kei naw ka ng’ya hlük ci nei, Cun cu keinaw nang mi am tuhbäi ka ning m’thein gui hlü ah kyak ci.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

NG'THU K'THUUK~ 23:4

Bä ciah na cüivai vai. Bühmang vai ah kä na tha nak aih vai.

EPHESIAN 1:12

Cun ah kyasei ak htük ung Bawi Khrit ging ne mi ngai ciah mikmi naw, Khanpughi ah bämang nak cu mi m’kümto khai nei!

KHEI NAK 9:20

A hnü ät Phung ah khan ah khaw ng’mei khaw hnüüp api hta ung a om ah a kyak ung, Bawipa ah thumkhän ngai u ne, shaum pigaw ung om ci gui, kä cun ung hteit ci gui.

KHEI NAK 9:22

Hnüüp goi, cha ät, kum ät, cun ah shou pi khai ah a shou ung phi Phung ah khan ah khaw ng’mei a om ah chuih kä ng’nawn ci gui. Cun ung phi khaw ng’mei ang liim ung ngami cu hteit ci gui.

EZRA 8:23

Cun ah kyasei keimi cu Khanpughi naw ana shungvong gui vai ah ei hlawi ne kami taigü ci, ani naw kami taigü na m’shang gui ci.