NG'THU K'THUUK~ 3:3 - Cho Bible Common Language 2016

³ Hläkkhäm nak la bekhüt nak cu kä na ng’dawn sak vai. Na k’hnü ung na awi vai, na m’lung ung na guk vai.

NG'THU K'THUUK~ 3:3 Referans Kwoze

2 KORIN 3:3

Cun ah ca cu Bawi Khrih amät naw gu netah keimi am ana tei sak gui cu dang ci nei. Cun ah ca cu hmein nawn guk ah kä kyak ci, ghing ciah Khanpughi ah Mumcha awn guk ah kyak ci, cun ah ca cu lung ung guk ah kä kyak ci, chang ah m’lung ung guk ah kyak ci.

NG'THU K'THUUK~ 7:3

Ka m’theithang cu akphlüt ah na shüm vai, na m’lung ung na guk vai.

HEBRU 10:16

“Bawipa naw, Shin cu lawk ciah kho hnüüp ung ngami awn shaitaak nak ka bi vai kyak ci nei: Kang thukhän cu ami m’sin ung chum ne, Ami m’lung ung ca awn ka guk khai nei,” cine pyein ci.

NG'THU K'THUUK~ 6:21

Ami ng’thu cu angtäi sei shüm ne na m’lung ung na küm vai.

MALAKHI 2:6

Ngami naw hman cicu m’thei ci gui, hma cicu kä m’thei ci gui, Ngami cu kei awn ng’müi khai ah om ci gui. Ami mät ah hmawk bäng ah hman cicu kä bik ci gui, chang akda naw akshe kä ami bi vai ah m’htei tuk ci gui.

EPHESIAN 5:9

Akdei naw nikiom nak a hlühlü, kümbe htingling nak la düngdau nak gui cu dang sak ci.

NG'THU K'THUUK~ 16:6

Hlakham ne nami bekhüt vai, Khanpughi naw nami katnak ning geinsei gui khai, Bawipa nami lak vai, nangmi ung akshe ka gawk lawk khai.

NG'THU K'THUUK~ 20:28

Ghangpughang cu a uk nak ung, düngnak, taga nak la nibä nak a om ah chuih huham mah ne om khai.

NG'THU K'THUUK~ 1:9

Cun ah m’theithang nak gui cu, na lu ung kyom ciah lukhu ah kya ne na hnü ung ning müi sak ciah äh awi ah kyak ci.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

PHYAWN NAK 13:9

Shin cu nangmi ning m’shüm thein gui ciah kyak khai, nami kut ung, kä cung nami m’calai ung ning khit gui ciah mäih ah kyak khai; a shin naw Bawipa ah thukhän cu k’täi ne ng’thei thang ng’thumcha nak vai ah ning m’shüm thein gui khai, a i ah kyasei ci ung Bawipa naw dämduh ciah a huham awn Egypt khaw ungka a ning plawk ba gui ah hmawk ah kyak ci.

JEREMIAH 17:1

Bawipa naw pyen ci, “Judah chang gui, nami katnak cu m’si gong awn guk nei: cu na katnak cu nami m’lung kyong ung pyülung m’si awn gu ne, nami sonkiang gui ah akit gui ung vüt ne m’hluh nei.

THULÄÄN NAK 6:8

Ning m’shüm hnuh gui khai ah nami kut ung nami khih vai. Nami m’calai ung nami dak vai.

HOSEA 4:1

Bawipa naw cun ah khaw ung om ciah chang gui cu hnungtuk ne k’bün gui ci, Israel gui ngai vä, ani naw a pyen cu, “Shin ah khaw ung bekhüt nak la m’hni nak kä om ba ci, chang gui naw kei cu Khanpughi ah kä na ngai ba ci gui.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

2 SAMUEL 15:20

Nang mi shin ung a shäng va nami om tuk khai, cun ah kyasei, a i vai kei naw, kei awn a täng ah nami ng’vak shüi khai ah ka ning ci gui vai ang? Kei a hawi ka hteh vai cu ka mät naw phi kä ka hmat ci. Hteit ba ne, nami khaw-chang gui cu hteh püi ba gui vä — Bawipa naw ning m’gein gui ne nangmi ung bekhüt sä” cik ci.

SAM 85:10

M’hni nak la bekhüt nak cu ng’chum ni ne, düng nak la dimdeeih nak cu ng’pawng khai goi nei.

NG'THU K'THUUK~ 14:22

Akni na bi ah a kyak ung nang cu akbä pi na gah khai, chang naw ning chang m’sui khai, akshe na bi ah a kyak ung cheishoh nak na bik ci kyak khai.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.