NG'THU K'THUUK~ 3:17 - Cho Bible Common Language 2016

¹⁷ Cüivai nak naw na ghin nak cu yeikyai sak ci. Acun ah lam cu dim deeih nak ah kyak ci.

NG'THU K'THUUK~ 3:17 Referans Kwoze

LUKA 1:79

Sihnak ah ang hnim ka ah om ci gui ah khan ah khankho ah akdei cu khang lawk khai, mikmi-am phi ding gei nak lam nam shüm gui khai” ciah kyak ci.

ISAIAH 26:3

Ami ng’bünak htek sei k’pang ne nang ung ami ngaih gep ci gui am. Nang, Bawipa naw kümbe ciah dimdeeih nak na pek ci nei.

NG'THU K'THUUK~ 2:10

Cüivai nak cu nang ung om khai, na hmuhmat nak naw ning yeikyai sak khai.

SAM 119:165

Na thukhän m’hni ci gui ung kümbe ciah ngaih gep nak om ci, Ngami yu ng’kyak sak gui khai a i phi kä om ci.

NG'THU K'THUUK~ 22:18

Cun nami shüm ba ung nami yeikyai khai. Mang ah phi nami mang khai nei.

SAM 119:14

Bä m’cam vai ah mä nang ah thumkhän gui läk vai cu kei naw ka yum hni pi ci nei.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

ISAIAH 57:19

Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.

NG'THU K'THUUK~ 16:7

Bawipa cu nami yei nak ah a kyak ung, nami gaa cu teihpüii ah nami pyang hning khai.

SAM 119:174

O Bawipa, na hun m’htei nak cu a i güt ka gin vai ang? Na thukhän ung yeikyai nak ka hmuk ci nei.

SAM 119:103

Na m’shüm thein nak gui cu tui hlim aih ci nei khoi tui ah ta tui pi ci gui nei.

SAM 119:47

Na thumkhän läk nak ung lünlawi nak cu ka hmuk ci, a i ah kyasei ci ung cun gui cu kei naw ka m’hni ci.

SAM 37:11

cun ung phi am lung neim sak ci naw khaw päng khai, khawhmah ne yeikyai ding gei khai.

SAM 25:10

A shaitak ngai ne, ang thukhän läk ci gui cu, bekhüt nak la m’hni nak awn lam shüm gui ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.