NG'THU K'THUUK~ 3:10 - Cho Bible Common Language 2016

¹⁰ Cun ah na bi ung na kheei ung htang be ne, na sapyit am ung sapyit tui pleip khai.

NG'THU K'THUUK~ 3:10 Referans Kwoze

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

THULÄÄN NAK 28:8

“Bawipa nami Khanpughi naw nami bilawh gui cu hriham pe ne, nami htang pan gui cu htang awn be sak khai. Ani naw a ning pek gui ah khaw ung hriham ning pe gui khai.

NG'THU K'THUUK~ 22:9

Dukhaih ciam ng’khailang ne na ei nak pai tu vai, A cun ah phäh ah phyuhtheh nak na gah khai.

JOEL 2:24

Htang m’häi hmun cu htang m’guh awn be ne; neen nak ah akpei gui cu sapyit tui la olive situi awn pleip khai gui.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

HAKKAI 2:19

Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.

2 SHONTÄP NAK 31:21

Ani cu näng m’khüt ci, a i ah kyasei ci ung Taigüim ah phäh ah abi nak nü ung, la thukhän läk nak ung, ani cu mümcha awn akbe ah bi ne, Khanpughi ah bekhüt ne ang ziihnei ah phäh ah kyak ci gui.

SAM 144:13

Kami khei gui cu ei awk vai a hlü hlü awn be sä. Kami kho bung ung htome gui cu tämkäp phia khak ah hta u sä.

THULÄÄN NAK 14:29

Cun cu Levit gui ah hmawk ah kyak ci. Ngami khaw kä tak ci gui, khaw hei chang gui, hmeinu gui, hmeihta gui, nami gawnu ung om ci gui ah phäh ah phi kyak ci. Ngami cu law u ne ami ng’yak hlü cu gah khai gui. Cun ah nami bi vai, cun ung Bawipa nami Khanpughi naw, nami bi nak päng ung hriham ning pe gui khai.

2 SHONTÄP NAK 31:10

Azariah, taigü tung, Zadok ah htangshon naw a pyen nak cu “Chang gui naw ami m’cümhnah nak Taigüim ah ami law püi ung tün ne, ei vai da ne akda püi pawih ci. Keimi naw shin avan kami gah cu Bawipa naw a chang gui a phyuh theh gui ah hmawk ah kyak ci.”