NG'THU K'THUUK~ 3:1 - Cho Bible Common Language 2016

¹ Ka hta, ka ning m’thein phung kä na m’hnih vai, na bia vai ah ka ning m’thein cu angtäi sei na shüm vai.

NG'THU K'THUUK~ 3:1 Referans Kwoze

NG'THU K'THUUK~ 4:5

Cüvai nak gah vai ah na m’lung ung na tha vai, ka pyen cu kä na m’hnih vai kä na nawng en vai.

SAM 119:16

Kei naw na thukhän ung yei nak ka gah ci; Na thumkhän gui cu kä ka m’hnih khai.

NG'THU K'THUUK~ 1:8

Ka hta, napa la na nu ah ning m’cäi cu geing na ne na ngaih vai.

SAM 119:93

Kei naw na m’shüm thein nak gui cu kä ka nawng phung khai, A i ah kyasei ci ung a cun awn nang naw kei cu na na ghin sak ci.

SAM 119:34

Na thukhän cu kei am na m’thein ä, kei naw ka läk khai nei. Ka m’lung avan awn ka shüm khai nei.

JEREMIAH 31:33

Kei naw Israel chang gui awn ka bi vai ah thukän thai cu shin ah kyak ci: kie naw ka thukhän cu ami kyong ung tha ne, ami m’lung ung ka guk khai, kei cu ngami ah kanpughi ah ka kyak khai, ngami cu kei ah chang ah kyak khai gui.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

THULÄÄN NAK 8:1

Tuhngawi kei naw ka ning pek gui ah thukhän gui avan cu bekhüt ne nami läk vai. Cun ung nangmi nami ghing khai, nami da lawk khai, nami pupa gui am, Bawipa naw a shaitak ah khaw cu nami khäm khai.

SAM 119:153

Ka geinvai nak cu teng ne, na hun ä, A i ah kyasei ci ung, kei naw na thukhän cu kä ka nawng ci.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

SAM 119:176

Maih ciah htome ah mäih ah ka ng’vaak shüi ci nei; Na changshäm cu law ne na teng law ä, Kei naw na thukhän gui cu kä ka nawng düt ci nei.

THULÄÄN NAK 4:23

Bawipa nami Khanpughi naw a ning bi püi gui ah thukhän cu kä nami m’hnih vai ah nami geing nak vai. Nami mät ah hmawk ah a i a gup phi kä nami pyan vai ah a ning thumkhän gui cu kä nami m’hnih vai.

NG'THU K'THUUK~ 31:5

Ami awk ah a kyak ung thukhän m’hnih ci gui, chang gui ah ng’yak hlü akcang cu nawng düt ci gui.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

SAM 91:16

Aksho ghin nak cu m’cümhnah gui ne, kei naw ka hun gui khai.”

SAM 119:61

Changshe gui naw kei ah hmawk ah cuun cung u sei phi, na thukhän cu kä ka m’hnih ci nei.

NG'THU K'THUUK~ 2:1

Ka hta aw, ka ning m’thei cu na ng’thei vai. Ka ning m’thei cu ka na m’hnih phung vai.

NG'THU K'THUUK~ 4:2

Kei ah ka ning m’theithang gui gui cu akni ah kyak ci, avan nami shüm vai.

NG'THU K'THUUK~ 16:31

Ghin shou nak cu dung ciah chang gui m’cümhnah nak ah kyak ci, ng’pyook ciah lusam cu huham lukhu ah kyak ci.

NG'THU K'THUUK~ 23:26

Ka hta aw, na m’lung ngaih na na pek vai. Ka ghin nak cu na ng’thei thei vai nei.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

THULÄÄN NAK 5:33

Avan nami läk vai, cun ung a päng avan cu nangmi ung nik khai. Cun ung nang mi naw nami khäm law vai ah khaw ung nangmi cu k’täi ne nami om khai.

NG'THU K'THUUK~ 4:21

Na mät awn kä na ng’shawng en sak vai. Shüm ba ne na m’lung ung na khän sak vai.

NG'THU K'THUUK~ 8:1

Ngai vä! Cüivai nak cu ng’khü ci nei. Hmuhmat nak cu k’aw mah ne m’lau ci nei.

NG'THU K'THUUK~ 9:1

Cüivai nak naw a im co ne k’tung chih ng’ling ci.