NG'THU K'THUUK~ 29:8 - Cho Bible Common Language 2016

⁸ A u chang phi a i ah kä ngai ciah chang naw mang gaw avan ung hungsai thawk sak ci, cun ung phi cüivai ciah chang gui naw avan dim deeih sak ci gui.

NG'THU K'THUUK~ 29:8 Referans Kwoze

NG'THU K'THUUK~ 11:11

Düng ciah chang gui ah phyuh theh nak awn mang gaw cu dämduh ci, Cun ung phi changshe gui ah ng’thu awn mang gaw cu dishum ci.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

EZEKIEL 22:30

Kei naw chang ka shui ci. K’pang gui ang gai ung co ba khai, k’paung gui ang thüng law ung acun ung ng’düi ne m’htei khai, kei ah ka m’lungshe nak naw khonglei amdi law ung shungvong hning khai, cun ung phi a u phi kä ka hmuh hning ci.

KHEI NAK 25:11

Phinehas ah abi ah phäh ah Israel chang gui ah khan ah kä ka m’lungshe ba ci nei. Ani cu kei ah kawn ah a hei khanpughi khawihnah vai cu mak ci. Kei bäng na khawihnah ci, cun ah kyasei kei naw ka m’lungshe nak awn ngami kä ka m’di gui ci.

KHEI NAK 16:48

A cun naw leigai ng’düm sak ci. Ani cu akghing la aksi ah ng’lak ung pawih ne ng’düi shüt ci.

NG'THU K'THUUK~ 29:9

Langkha ciah chang cu chang gu ang awn ani hnungtuk cuhcan law ah a kyak ung ak gu ang cu gai ne ng’hawh ne nget ngawng lawk ci,

NG'THU K'THUUK~ 15:1

Ng’awigi ciah ng’thu naw m’lung dim sak ci, thu ashe naw m’lung so sak ci.