NG'THU K'THUUK~ 29:5 - Cho Bible Common Language 2016

⁵ Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

NG'THU K'THUUK~ 29:5 Referans Kwoze

HOSEA 5:1

“Taigü gui aw, shin cu ngai vä, Israel chang gui ngaih na vä! Ngai vä nangmi mang im kyong chang gui! Nangmi cu taga khai ah nami m’khoichak khai ah nami kyak ci. Cun ah kyasei nami khan ah m’khoicha nak gawk lawk khai. Nangmi cu Mizpah ung m’hling baan Tabor m’htung ung ng’vai cuun,

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

JOB 17:5

Chang ng’thu thuuk ung chang tumat naw a teihpüi cu ngui ah yoi ci, A cun ah phäh ah a hta nau gui cu yaica ci gui.

1 THESSALONIAN 2:5

Nangmi naw nami hmat ah mäih ah keimi cu chang m’tam khah ne kä kami ng’thu ci, kami mät ah hmawk ah kä kami ng’thu ci nei. Shin ah a mawng ung Khanpughi cu kami saksi ah kyak ci nei.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

NG’ÄI KYAH 1:13

Ani naw akhan ah kaa mei tüi lawk ci, cun ah mei naw kei ah ka kyong cu na ui ci. Ani naw kei ah phäh ah cun cung neta, m’dek ung kei na law püi ci. Ani naw kei cu na m’kei neta, ng’täi ciah m’nehnak ung na nawng shüt ci.

NG'THU K'THUUK~ 26:28

Nang naw chang tumat thüi na ne nat nak a gah vai ah na m’hleei ci. Kä nik ciah ng’thu m’gawng cu a kholä, di nak ah kyak ci.

NG'THU K'THUUK~ 20:19

Ng’pyen sak nak naw a i ka m’yih hlawt ci, Ng’thu akda ah pyen thei ci awn ng’shawng ne nami om vai.

NG'THU K'THUUK~ 7:21

Ani naw aktü phlawh nak awn tüihtok khäta, pami cu ng’awi sei ng’thu ciah hnumi ung lut ci.

NG'THU K'THUUK~ 7:5

Cun gui naw chang ah chu la hlim khai ah ng’thu ciah hnumi ung ning shawng sak khai.

NG'THU K'THUUK~ 1:17

Kha pha vai ah ngäng ne cuun yah ung ng’vai phüi cu kä nik ci.

SAM 36:2

Amät naw amät m’hlüngtai ne, yei nah ne, Khanpughi naw a katnak cu kä hmuh pe ne, kä m’kyuk khai ah ngai ne yei ci.

NG'THU K'THUUK~ 28:23

Chang cu nam shung tu vai, cun ung ani naw ning chang m’sui law pi khai.

1 SAMUEL 18:23

Cun ah kyasei ngami naw acun ah David am m’thein ci gui, David naw, “Ghangpughang ah a kawi ah kyak vai cu dämduh ciah m’taam nak ah kyak ci nei, dukhaih ne pyamtham ciah kei ah mäih ah phäh ah dämduh aih ci nei” cik ci.