NG'THU K'THUUK~ 29:4 - Cho Bible Common Language 2016

⁴ Ghangpughang naw taga nak ak tung ah abi ung akho akchang khüighat ci. Ngui ktung na ne abi ung a khaw akchang di sak khai.

NG'THU K'THUUK~ 29:4 Referans Kwoze

NG'THU K'THUUK~ 29:14

Ghangpughang naw dukhaih ciah chang ah chaw a shungvong ah a kyak ung, ani naw akshou uk khai.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

DANIEL 11:20

“Ani ah kawn ah ahei ghangpughang om law ba khai, ani naw a bawi tumat cu tüi ne, a uktu khaw ah a bämang nak vai ah akhon loh sak gui ne, chang gui cu shedam na gui khai. Kä sho pha sei ghangpughang cu ngawn khai gui, cun ung phi chang ah ng’lung ah kä kyak khai, ng’tuk nak ung ah kä kyak khai.

NG'THU K'THUUK~ 20:8

Ghangpughang cu ng’thumcha nak ung ngok ci, ani naw akshe cu a hmuh ung hmat ci.

ISAIAH 49:8

Bawipa naw a chang gui pyen na gui ci, “Nangmi ning bü nak gui vai ah khin a gawk law ung, nangmi am hmai kiang nak ning m’dang gui ne, ning m’htei gui vai ah nami kyah cu ka ning m’shang gui khai. Kei naw ngäng ne ka ning shungvong gui khai, chang van ah phäh ah nangmi awn thukhän ka bik khai. Tuhbäi didap ciah nami kho ung kei naw ka ning om ba sak gui khai.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

NG'THU K'THUUK~ 16:12

Ghangpughang naw akshe cu kä m’gein hning ci, a i ah kyasei ci ung taga nak naw uk nak cu khüighat sak ci.

NG'THU K'THUUK~ 8:15

Ghangpughang gui naw ami uk vai, Uktu gui naw thukhän akni ami pyan vai ah kei naw ka m’htei gui ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

SAM 89:14

Na uknak khaw cu düngnak la ng’müi nak ung na k’süm ci nei; m’hni nak la bekhüt nak cu na bi nak phung ung dang ci nei.

2 SHONTÄP NAK 9:8

Bawipa nami Khanpughi cu m’taam vä! Ani naw nang cu ghangpughang ah ning pyang ne, ani ah ming awn na uk vai ah, a täng ah ning om püi ne, a i hlawk ah a yeikyai cu ani naw m’dang pyi ci nei. A i ah kyasei ci ung ani naw Israel gui, a chang gui cu m’hni gui ne, angtäi sei, shungvong gui ci, ani naw nang cu ami ghangpughang ah ning pyang sei, nang naw thumkhän la taga nak cu na pyang hning ci.

1 GHANGPUGHANG GUI 2:12

Solomon cu apa David ah hnün ung ghangpughang ah ngok ci, ani ah bämang huham cu khäng htek ci.

2 SAMUEL 8:15

David naw Israel khaw avan uk ci, ak chang gui cu ng’cim htaih ne taga khai ah ng’htei ne bik ci.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

JOB 11:6

Ani naw cüivai nak ah mawng akda cu ning m’thein khai; Chang ah ngaihtüh nak ah kawn ah thuuk aih ciah amawng gui om ci nei. Na mät ah khinkha nak ah ta ken tuba khai ah Khanpughi naw ning m’kyuk ci nei.

NG'THU K'THUUK~ 14:34

Dung nak naw pakhui khaw hlüngtai sak ci. Katnak naw pakhui khaw thui ng’aa sak ci.

NG'THU K'THUUK~ 16:10

Ghangpughang naw caciim huham awn ng’thu pyen ci. Ani ah m’hnut bai cu angta sei cang nak ah kyak ci.