NG'THU K'THUUK~ 29:27 - Cho Bible Common Language 2016

²⁷ Düng ciah chang naw akshe cu thüi nak ci, shek ciah chang naw düng cicu thüi nak ci.

NG'THU K'THUUK~ 29:27 Referans Kwoze

1 JOHAN 3:13

Cun ah kyasei ka phäi nau gui aw, khomdek chang gui naw ami ning gen gui ung kä nami ng’ä vai nei.

JOHAN 15:23

Kei na gen ci naw Kapa phi gen ci.

SAM 139:21

O Bawipa, ning gen ciah chang gui cu ka gen aih ci nei! Nang ning hnu ng’tuk püi ci gui cu, kei naw ka shedam nak ci nei.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

NG'THU K'THUUK~ 29:10

Ng’sai gha ciah chang gui naw changnicu thüi nak ci gui. Cun ung phi düng ciah chang gui naw cun ah mäih ah changniah hnun gui cu shungvong ci gui.

ZEKHARIAH 11:8

Kei naw a hei htoshäm thum ah khan ah ka m’hni nak cu ka nawng gui ci, ngami naw na gen ci gui, cha ät ah kyong ung ami van ka k’täm gui ci.

NG'THU K'THUUK~ 24:9

Bilawh nak phung ung akshe ah ngaih-tüh cu katnak ah kyak ci. Amät akholä vai nak cu na gah vai, cun ung ma lam ah khaw dei khai. Ah kya ne chang a i ah kä sui cicu chang gui naw thüi nak ci gui.

SAM 119:115

Shekak ciah chang gui a hei ah hteit vä. Kei cu ka Khanpughi ah thumkhän ka läk khai nei.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

JOHAN 17:14

Nang ah ng’thu cu ngami-am ka pe gui pyi ci, Kei cu m’dek khan naw kä a na khäm ah mäih ah ngami phi kä khäm gui ci.

SAM 6:8

Changshe gui kei ah om nak ungka a hei ah hteit vä! Bawipa naw ka k’awk a guh cu ng’yak ci nei;

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

SAM 139:22

Ngami cu gen pe bäih ne ka gen gui ci; ngami cu ka ga gui ah k’bäi gui ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.

NG'THU K'THUUK~ 30:1

Shin gui cu Jakeh ah hta Akur ah thuuk ciah ang thu gui ah kyak ci. Khanpughi kei awn kä om ci, Khanpughi kei awn kä om ci, kei cu am gein kaa ah ka kyak ci nei,

SAM 101:4

Kei cu kä düng ah kä ka om khai, akshe gui awn kä ka ng’khap phung khai.

NG'THU K'THUUK~ 13:19

Ng’yak hlü gah cu a i hlawk ah nik ci ang? Gu ang ciah chang gui naw akshekha ng’hlah tak vai ah mak ci gui.