NG'THU K'THUUK~ 29:25 - Cho Bible Common Language 2016

²⁵ Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

NG'THU K'THUUK~ 29:25 Referans Kwoze

SAM 118:8

Bawipa ung ng’ap cu chang ngaih u ah ta bä pi ci.

LUKA 12:4

“Ka teihpüi gui aw, pumsa bäng ngawn ne a hmün a i phi kä ci hning cicu kä nami kyih vai.

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

NG'THU K'THUUK~ 16:20

Ami ning m’theithang gui cu nami dou vai, nangmi cu nami nang khai, Bawipa ung nami ng’ap vai nangmi cu nami yeikyai khai.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

1 PETER 1:21

Sih nak ungka thawh ba sak ne, bämang nak pek ciah Khanpughi cu ani ah ming awn nami yum ci. Cun ah kyasei nangmi cu Khanpughi ung ng’kheing ciah nami yum nak la ngaih u nak om ci.

1 SHONTÄP NAK 5:20

Ngami naw ami Khanpughi ngaih u u ne, am hteihtang gui vai ah taigü ci gui, Khanpughi naw ami taigü ngaih pe gui ne, Hakrit gui la ami khochang gui ah khan ah näng na pe gui ci.

JOHAN 9:22

Cun ah ami pyein cu Jew chang vai gui naw, Bawipa Jesuh cu Messiah nei, ciah yum ciah chang phung pum nak ung kaa, k’täm vai ah amik bäi pyi ah kyasei, acun ami kyih ah hmawk ah kiak ci.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ATÜNNAK 26:7

Rebekka cu ang htei ah kyom ci kyasei, chang gui naw Rebekka cu ng’ya hlü u neta, acei Isaak cu ami ngawn vai ah ng’ä ne, chang gui naw ami ng’shi ung Isaak ah chu ah kä pyen ne, abe ah a pyen vai ah m’cäi ci.

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

DANIEL 6:23

Ghangpughang cu yei aih neta, Daniela cu khui ungka ami yu so tuba vai ah ng’thu k’bäi ci. Cun ah kyasei ani cu yu so tuba ci gui. Ani cu Khanpughi ung ng’ap ciah kya ne, api ah phi kä leimbai sei hmuk ci gui.

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

1 SAMUEL 15:24

Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

MATTHE 15:12

Ang düihpüi gui naw a pei ah law u netah, “Nang Bawipa naw thu na pyein ah phäh ah pharisee gui m’lungkshe ci gui nei, na hmat ci ang?” cine pyein lawk ci gui.

SAM 69:29

Kei cu m’neh m’awh ne ka gein vai ci; O Khanpughi, na zu chang ne, na hun ä!

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

1 SAMUEL 27:11

David naw hnumi, pami chang avan a ngawn ah kya ne, kath ah hteit khai a u kä om ci, ani la a chang gui ah bi gui cu hteit ne pyen khai a u kä om ci. Shin cu David naw Philistin ah a om tu yah ah pum abi ah kyak ci.

1 SAMUEL 27:1

David cu amät ng’htau ne, “Khaw hnüüp ät ung Saul naw na ngawn khai. Kei ah phäh ah aknipi cu Philistin ah phyawn vai ah hteh vai ah kyak ci. Cun ung Saul naw Israel khaw ung ana shui m’lung si khai, cun ung kei ka phyawng khai.”

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

SAM 119:117

Na k’pang ä, ka phyawng khai nei, kei naw angtäi ah na thumkhän cu ka ma nak khai nei.

SUKI GUI 16:11

Ani naw, “Ka bi en man ah gui akthai awn ami na khih ah a kyak ung kei phi chang a hei gui ah mäih ah ka k’tha ken khai nei” cik ci.

1 SAMUEL 21:13

Cun ah kyasei ngami ami ng’pat law phung ung, ngami naw ami m’kat law hlü phung ung David cu gu hlük ciah mäih, akgu ah mäih ah om ci; ani cu mang gaw m’kawt ung chüt shüi shüi ne, am gawngmu ung am’shi shoi ci.