NG'THU K'THUUK~ 29:23 - Cho Bible Common Language 2016

²³ Chang yawshe nak ciah chang naw yung kyak nak ung ning hteh püi khai, Cun ung phi na m’lung na neim sak ung nang cu chang m’sui nak om khai.

NG'THU K'THUUK~ 29:23 Referans Kwoze

MATTHE 23:12

Amät naw amät m’hlüngtai cicu ng’neim pibäih khai, amät naw amät ng’neim sak cicu hlüngtai nak gah khai.

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

NG'THU K'THUUK~ 11:2

Chang ah ng’shei cicu tuhbäi ge thui aa nak om khai. Cüvai pi cicu bä tu pi khai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

1 PETER 5:5

Acun ah mäih ah nang ak hmawk chang gui naw phi ang vai gui ah thu cu nami ngaih vai. Tumat la tumat nami ng’hteihtang nak tu ung, nami van naw m’lung neim nak ah sui cu nami sui vai. Cacim theing naw, “Khanpughi naw chang ah ng’shei cicu hnu nah ne, am lung neim sak ci cu, chang m’sui ci nei,” ciah om ci.

NG'THU K'THUUK~ 15:33

Bawipa kyih aa nak cu hmuhmat nak ah kyak ci, m’lung neim nak ah a hnu ah m’tamkhah nak om kheng geng ci.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

MATTHE 18:4

Shin ah ak hmaw ah mäih ah am lung thawng ne neim sak ciah chang cu khankho uknak ung ak hlüngtai pibäih ah kyak ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

JOB 40:12

Ngami cu teng gui ne tuk cha gui ä. Chang shekha gui cu ami om nak ung shudeng gui ä.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

JOB 22:29

Khanpughi naw chang ah ng’shei ci gui cu yuk chah gui ne, m’lung neim ci gui cu hun gui ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

NG'THU K'THUUK~ 16:19

M’lung neim nak awn om ne dukhaih nak cu, chang yoshe nak ciah kya ne, chang ah khawh ami guh ng’pai tu ah ta ba pi ci.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

NG'THU K'THUUK~ 22:4

Bawipa cu läk äm’lung neim sak ä, cun ung na bühmang khai, m’tamkhah nak na gah khai, akshou na ghing khai.

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.