NG'THU K'THUUK~ 29:22 - Cho Bible Common Language 2016

²² M’lungshe aih ciah chang naw ng’tukvok nak la khüikha nak akda awt ci.

NG'THU K'THUUK~ 29:22 Referans Kwoze

NG'THU K'THUUK~ 15:18

Am lung tawi ci naw ng’tukvok m’thou ci, am lung sau ci naw geilam pyang ci.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

NG'THU K'THUUK~ 26:21

Mei k’eh naw meicak cu ng’ai sak ci, Sing naw mei cang sak ci, Khüikha nak bik ciah chang naw ng’cuhcan nak thawh sak ci.

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

JAMES 3:16

M’thüi m’khang nak la m’yawmhau nak cun naw, kä ng’käkhtäng nak la shetkat nak a hlü hlü om sak ci,

NG'THU K'THUUK~ 22:24

Am lung so ci, sohai m’lungshe ci awn kä nami khawt sheng vai.

NG'THU K'THUUK~ 14:17

M’lung she aiha ciah chang naw ak gu ang ah bii bik ci, cuivai pi cicu adüm ah om ci.

NG'THU K'THUUK~ 30:33

Suuktui cu na thäh ung, khläm cicu na gah khai, chang tumat ah hna na thah ung, si lut lawk khai. M’lungshe nak na m’thawh ung khüikha nak ung na gawk khai.

NG'THU K'THUUK~ 29:21

Nang naw na changshäm cu ak hmaw yah ung tün ne ang yak hlü päng na pek ah akyak ung, hnüüp ät ung ani naw na khawh avan la yawp khai.

ATÜNNAK 49:7

Ani m’lungshe nak ung plah nak om khai, a i ah kyasei ci ung cun cu ng’hüüt ci. Ani m’lungso nak ung plah nak om khai, a i ah kyasei ci ung cun cu shekhak ci. Israel khaw avan ung ka püi sak gui khai. Ami chang gui ah ng’lung ah ka pawng sak gui khai.

NG'THU K'THUUK~ 27:17

Chang gui cu tumat la tumat ng’thei theng tuk ci gui, m’sii awn m’sii k’tah ah mäih ah kyak ci.