NG'THU K'THUUK~ 29:20 - Cho Bible Common Language 2016

²⁰ Kä ngaih-tüh ah ng’thu ng’htau ci cu, ak gu ang ah ta a ngaih u nak kä däm tuba ci.

NG'THU K'THUUK~ 29:20 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

THUSHÄUTU 5:2

Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

NG'THU K'THUUK~ 21:5

Ngaih na ne na pawng htein vai nang cu na bämang khai. Ak yaangkhai aih ah na hnünthawh ung kä na bühbei hlawt khai.

NG'THU K'THUUK~ 29:11

Chang shekha gui naw ami m’lunhshe nak cu m’dang ci gui, Langkha ciah chang gui naw cun ah mäih cu m’lung sau u ne, pang ne m’hlat ci gui.

NG'THU K'THUUK~ 19:2

Hmuhmat nak ka om ciah m’lung ah ling cu ka nik ci, m’lung ka sau nak naw yaica nak ung ning hteh pui khai.

NG'THU K'THUUK~ 29:19

Nang naw na changshäm cu ng’thu püi düt ne kä na m’shung m’düng hning khai, Ani naw ning hmuhmat khai, cun ung phi a i ah kä ning sui khai.

NG'THU K'THUUK~ 29:21

Nang naw na changshäm cu ak hmaw yah ung tün ne ang yak hlü päng na pek ah akyak ung, hnüüp ät ung ani naw na khawh avan la yawp khai.