NG'THU K'THUUK~ 29:16 - Cho Bible Common Language 2016

¹⁶ Changshe gui cu ami huham mah law ah a kyak ung, leibei da lawk ci. Cun ung phi düng ciah chang gui cu cun gui ah yung kyak vü hmuk khai ah ghing khai gui.

NG'THU K'THUUK~ 29:16 Referans Kwoze

SAM 92:11

Kei naw ka ga gui na tuk cu hmu ne, changshe gui ah kyah cu ka ng’yak ci nei.

SAM 91:8

Changshe gui ah di nak cu nang naw teng ne, a hmuh bäng ah na hmuk khai.

SAM 58:10

Cheishoh ci gui ami m’kyuk gui ami hmuh ung düng ciah chang gui cu yei khai gui nei; Ngami naw changshe gui ah si awn ng’si khai gui nei.

SAM 37:36

Cun ung phi ani ka phlän kawn ah, ani cu ah kä om tu ba ci; kei naw shui ba ne phi kä ka hmu ba ci.

SAM 37:34

Bawipa ung ngaih u nak ta ne, ang thum khen cu läk vä; ani naw ng’dü khaw ning pe gui ne, ning m’taam khah gui khai; changshe ak täm cu nang mi naw nami hmuk khai.

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

SAM 112:8

Ani cu kä ng’ä ci, kä kyik ci; Ani naw a ga gui ah dimaih cu hmu gui ci.

SAM 92:9

Na ga gui ami van cu si u sei, changshe gui ami van cu tuh ne na k’täm gui khai cicu kami hmat ci nei.

NG'THU K'THUUK~ 21:12

Düng ciah Khanpughi naw chang shekha ah im kyong ung a i ah kyak ci, cicu hmat ci. Ani naw chang shekha gui cu dishum nak ung hteh püi gui ci.