NG'THU K'THUUK~ 28:5 - Cho Bible Common Language 2016

⁵ Changshe gui naw taga nak ah mawng kä hmat ci gui, Cun ung phi Bawipa kawihnah ci gui naw, akni ah hmat ci gui.

NG'THU K'THUUK~ 28:5 Referans Kwoze

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 JOHAN 2:20

Cun ung phi Bawi Khrit naw nangmi ah khan ah Mumcha Theing cu ning m’kyum gui pyi ci kyasei, nangmi naw thu thuuk cu nami hmat pyi ci nei.

SAM 92:6

Shin ah a mawng cu ak gu naw kä a hmat; ak ang naw kä a k’shing:

JOHAN 7:17

Khanpughi ah ang yak hlü ah om hlük ciah chang phung naw, kei ah ng’thu pyein gui cu ang ngaih ung, Khanpughi ah ng’thu la kei ka mät ah ng’thu ah a kyak ah, ng’thumcha ne hmat khai nei.

NG'THU K'THUUK~ 24:7

Cüivai nak ng’thu cu thuuk aih ciah kyasei, chang gu ang naw kä hmat yäi ci. Küikyang aih ciah amawng gui pyen sak law ung ani naw a pyen tu vai a i kä om ci.

NG'THU K'THUUK~ 15:24

Cuivai ciah chang gui cu ghin nak ah hang kai nak ah lam ung hteit ci gui, sih nak ah yu ktum nak ah lam ung kä hteit ci gui.

SAM 119:100

Na thumkhän gui ka läk ah hmawk ah ghi ng’vai ci gui ah bä pi sei ka lu ng’lang ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

NG'THU K'THUUK~ 2:9

Kei na na ngaih ah a kyak ung düng nak, taga nak la hmai kyang nak cu na hmat khai. Ai na bi vai cu na hmat khai.

ISAIAH 6:9

Cun ah kyasei kei ka hteh vai ah na pyen ah neta, chang gui am shin ah ng’thu pe gui ci: “A i chü ah nami ngaih ung phi, kä nami hmat hlawt khai. A i chü ah nami teng ung phi. A i i ah kyak cicu kä nami hmat hlawt khai.”

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

SAM 119:98

Na thumkhän cu angtäi sei kei awn om ci, cun naw ka ga gui ah ta na cüivai sak pi ci.

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

AMOS 3:10

Bawipa naw, “Shin ah chang gui naw ami im nu gui cu, sheka cheishoh ne ami gah ah khawh awn be sak ci gui. A i hawkcha ah chang na ne om vai cu kä hmat ci gui.