NG'THU K'THUUK~ 28:4 - Cho Bible Common Language 2016

⁴ Thukhän kä na läk ah a kyak ung chang shekha täng ah na om ciah kyak ci. Thukhän na läk ah ah a kyak ung ngami hnungtuk püi ciah na kyak ci.

NG'THU K'THUUK~ 28:4 Referans Kwoze

ROMAN 1:32

Cun ah om ciah chang gui cu sih nak ung hteit khai gui ciah Khanpughi ah thukhän cu ngami naw hmat ci gui. Cun ung phi, ami mät naw shin ah shekhaa gui ami bi bäng ah kä kyak ciah, acun ah mäih bik ci gui cun phi k’cang nak ci gui.

EPHESIAN 5:11

Hnüp khui ung om ciah chang gui ah bi, kä ak ni gui cu, kä nami bi en tu vai, cun gui cu nami dang sak vai nei.

MATTHE 14:4

A i ah kyasei ci ung Johan naw, “Na nau ah chu Herodias, cu na khäm tu ba vai ah kä nik ci,” cine a kyak nak ah phäh ah kia ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

SAM 49:18

A ghin yah ung abä m’cam ung phi ani cu näng nak om sei m’taam nak a gah ung phi,

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

JUDE 1:3

Kam’hni ah Teihpüi gui aw, kei naw nangmi am mi van naw yum ne mi dou ah hun nak ah mawng, ca ka ning guk gui vai ah ka k’tha na te ci. Cun ung phi Khanpughi naw ak chang gui am m’khäm ne a ap gui ah yum nak cu khäng htek khai ah nami ghunkhawn vai ah ang ghit ah ca gu ne, nangmi am k’thagui ning peit gui vai cu hlü lawk ci.

1 JOHAN 4:5

Hleeihlak ciah profet gui cu khomdek khan ah mawnglam bäng pyeinsak ci gui, khomdek chang gui naw phi ngai ng’yak hlük ci gui, a i ah kyasei ci ung ngami cu khomdek khan ma nak ciah chang ah kyak ci gui.

LAMKTU 15:2

Paul la Banabas cu cun ah chang gui awn ak tä ah ng’cucan ne ng’küknet ci gui. Cun ah kya sei khrithabum gui naw, cun ah ami ng’cuh a mawng cu ng’shi k’ca ng’ge pai khai goi ah Paul la Barnabas cu ghü goi u netah, yum ci chang amshah gui awn a täng ah ang düihpüi gui la khrithabum ang vai gui ah om nak Jerusalem ah tüih goi vai ah k’bäi ci gui.

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 12:22

Chang gui naw, “Shin ah k’aw cu chang ah k’aw ah kä kyak ci Khanpughi ah k’aw ah kyak ci” ne cine m’lau ci gui.

MATTHE 3:15

Bawipa Jesuh naw, “Khanpughi ah a pyein ah bi mi bik khai kya sei, acun ah na bi vai” cine kyak na khätah, cun kawn ah Johan naw yum ci.

JEREMIAH 5:30

Kyihkyawk vai la cäicat vai cu shin ah kho ung kya lawk ci nei:

NEHEMIAH 13:28

Joiada cu Taigütung Eliashib ah hta ah kyak ci, Joiada ah hta gui ung ka tumat naw Beth Horon gawnu ung ka Sanballat ah hta hnumi chu na sei, Joiada cu kei naw Jerusalem ung ka k’täm ci.

NEHEMIAH 13:15

Cun sang ung Judah ung chang gui naw kyin hnüüp ung sapyit theih neen u ne, pümhta, sapyit tui, sapyit theih, thei, la ahei gui cu ng’sela ung taih ne Jerusalem ah hteh püi u sei ka k’bäi gui ci.