NG'THU K'THUUK~ 28:28 - Cho Bible Common Language 2016

²⁸ Chang omshe a huham mah law ung chang gui ng’thup ci gui. Cun ung phi ngami ah huham ang kyak ba ung chang dung gui naw uk ba khai gui.

NG'THU K'THUUK~ 28:28 Referans Kwoze

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

JOB 24:4

Du khaih ci gui naw ami gah tu vaisü phi m’chei pek ci gui, pramtham ci gui phi dawng sak ne ng’thuh sak ci gui.

NG'THU K'THUUK~ 28:12

Changninaw huhmam agah law ung chang päng naw mtaam ngak ci, Cun ung phi changshe naw a uk law ah a kyak ung chang gui thup ne om püi gui ci.

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.

NG'THU K'THUUK~ 28:27

Dukhaih ciam na pektak vai, nang ung a i ka hlü ba khai. Dukhaih ciah ma ah na mik nam shin ung chang gui naw ning plahtam khai gui.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

2 SHONTÄP NAK 22:12

Ani cu ghangpughangnu Ahtaliah naw a uk yah ah chuih khokum chuk ung a cu ah ng’thup ne om ci.