NG'THU K'THUUK~ 28:21 - Cho Bible Common Language 2016

²¹ M’thuikhang nak cu chei ci. Cun ung phi m’taga khai ah chang cu apihta ah ng’shei nak a om ung chei ci.

NG'THU K'THUUK~ 28:21 Referans Kwoze

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

NG'THU K'THUUK~ 24:23

Cüivai ci naw shin cha ah phi thu pyen ci; vangtäng kumtu ne m’khoichak ciah suki cu hma ci.

NG'THU K'THUUK~ 18:5

Taga nak gah nak vai ah cheishoh cu kum ne, changnim’shung cu ka hman ciah kyak ci.

PHYAWN NAK 23:8

Ng’mü khawh kä na dou vai, ng’mü khawh naw chang ah düng nak kat sak ne, changni ah mawng ng’chei sak ci.

PHYAWN NAK 23:2

Katnak bi u ne, taga nak k’phleng ne ami saksi law ung chang ah da nak täng düt ah kä na läk tu vai.

2 PETER 2:3

Cun ah thuvi ciah saya gui cu ng’yak nak hlü aih awn khän ne düng ciah thu pyein u ne, ami mät ung tang khai ah bik khai gui nei. Cäu ä tün ne ngami ng’thumcha gui khai cu om pyi ci nei, ngahmi m’di gui khai phi tho pyi ci nei!

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

HOSEA 4:18

Ngami cu yu akdäm aw u neta pawmyau ciah hnumi awn hlimtui ci gui. M’tam khah nak vai ah ta thüi sei nak cu m’hni pi ci gui.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’