NG'THU K'THUUK~ 28:17 - Cho Bible Common Language 2016

¹⁷ Chang ngawn ciah chang cu angphuh hmun tha na ne co ciah kyak ci. Kä nami maa nak vai.

NG'THU K'THUUK~ 28:17 Referans Kwoze

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”

PHYAWN NAK 21:14

Cun ung phi chang tumat cu m’lungshe neta, bü ne chang a ngawn ah a kyak ung, ani cu ngawn ba vai, kei ah ka mangkiang ung dawng ne ang yii ung phi kä lawt khai.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

2 GHANGPUGHANG GUI 9:26

‘Kei naw Naboth la a hta gui ami ngawn gui cu yanta ka hmuk ci nei. Kei naw a shin ah m’dek ung ka ning m’kyuk khai nei, ci nei shai ka tak ci.’ Cun ah kyasei Jehu naw yatha bawm ci am, “Joram ah pumsa cu la ne, Naboth ah khomdek ung yuk ghawt ä, cun ung Bawipa ah shaitak cu kümbe ciah kyak khai nei” cik ci.

1 GHANGPUGHANG GUI 21:23

Jezebela ah mawng Bawipa naw a pyen cu, ani ah pumsa cu Jezreela mang gaw ung ui gui naw ei khai gui nei.

JEREMIAH 41:15

Cun ung phi Ishmaela la achang cheit cu Johanan hmu heta dawng u ne Ammun khaw lam ah phyawng ne hteit ci gui.

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

THULÄÄN NAK 19:11

Cun ung phi chang tumat naw aga cu bü ne pang ne aktükyai ah ngawn neta luat ne mang gaw tumat mat ung phyawng ne om tuk khai.

2 SAMUEL 13:34

Cun yah Absalom cu dawng ci. Cun vai am gaw ngäng ciah gakap gui naw, chang akda cu Horonaim ah ka, khomhtung lam ung ana a vü u sei hmuk ci gui. Jonadab naw ghangpughang ah hteit ne, a hmuh gui cu m’thein ci.

2 SAMUEL 18:15

Cun kawn ah Joab ah gakap sing gha naw vun u ne Absalom cu ngawn ci gui.

1 GHANGPUGHANG GUI 2:29

Joab naw phung ah dawng ne sonkiang ah lawi ak pan cu Solomon ghangpughang naw ng’ya neta, Solomon naw Joab ah chang tüi ne, a i ah kyasei sonkiang ah a dawng cu Solomon a kyih ah phäh ah kyak ciah pyen ci. Cun ah kyasei Solomon ghangpughang naw Benaiah cu tüi ne Joab cu ngawn sak ci.