NG'THU K'THUUK~ 28:15 - Cho Bible Common Language 2016

¹⁵ Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

NG'THU K'THUUK~ 28:15 Referans Kwoze

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.

2 GHANGPUGHANG GUI 21:16

Manasseh naw changni akda ngawn ne Jerusalem ung lam nu gui cu si awn lon sak ci; ani naw cun ah bi ne Judah chang gui cu a gup khawihnah nak ung lam shüm gui ci, Bawipa hnungtuk ne hmakat nak bi sak gui ci.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

HOSEA 13:8

Ahta maih ciah khawm ah mäih ah kya ne nang cu ning tu ne, ka ning phyit khai. Phongkawng ah mäih ah kya ne ka ning hmuh nak ung ning lo ne, acun ung sak kyung ah mäih ah kya ne akhui akpi ah ka ning k’teek khai.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

NG'THU K'THUUK~ 17:12

A hta maih ciah khawm anu awn ng’hmuh cu akshe bi vai laih laih ah tawt ciah changshe awn ng’hmuh ah ta ba tuba ci.

2 GHANGPUGHANG GUI 15:16

Menahem naw Tirzah ungka naw a hteh täng ah Tappuah mang gaw cu tu ne a cun ung chang gui la a pei ung ah khaw gui phi m’di gui ci, a i ah kyasei ci ung cun ah mang gaw naw kä ami ng’coipa ah phäh ah kyak ci. Ani naw amgai mah gui avan ah poi phi k’dai ne ngawn gui ci.

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

PHYAWN NAK 1:13

aktä ah shedam na gui ne, akshe ah khleihtein na gui ci gui. Ngami naw im cawh sak gui u ne, lai bi sak gui u ne, api ah phi kä yei na gui ci gui.

ISAIAH 14:5

Akshe ah uk ci gui ah huham cu Bawipa naw ng’pyi sak pyi ci nei,

ISAIAH 14:6

Cun gui naw chang gui cu m’lungshe ne shadam na u ne, ngami naw ami khäm ah pakhui gui cu kä ng’düm ne kdukdein nak ci gui nei.

ZEPHANIAH 3:3

Ami bawi gui cu m’ngawk ciah kawng ah mäih ah kyak ci gui, ami suki gui cu ei ah cawi ciah hngei ah mäih ah kyak ci gui. Ani cu sokang aih ne aguh pang phi kä nawng ne khaw thaih güt om ci.