NG'THU K'THUUK~ 28:13 - Cho Bible Common Language 2016

¹³ Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

NG'THU K'THUUK~ 28:13 Referans Kwoze

JOB 31:33

Chang ahei gui naw ami katnak k’tha na ne thup u sei phi, Kei naw ka katnak kä ka thup man ci nei.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

ATÜNNAK 4:9

Bawipa naw Kain am, “Na nau Abel a hawi ang?” cine ng’shik ci. Kain naw, “Kä ka hmat ci nei, kei naw ka nau cu ka ngäng ciah kyasei ang?” cik ci.

NG'THU K'THUUK~ 10:12

Thüigen nak naw khüikha nak thawh sak ci, M’hni nak naw apäng avan m’gein ci.

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

1 SAMUEL 15:24

Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

NG'THU K'THUUK~ 17:9

Chang naw aning m’hni vai na ng’yak hlü ung nang ung katnak bik cicu na m’geinsei vai. Shum ba laih laih ah katnak naw ng’khawt nak cu m’shet thei ci.

1 SAMUEL 15:13

Samuela cu Saul ah gawk khäta, Saul naw, yavaih na neta, “Bawipa naw hriham ning pe sä, Samuela! Kei naw Bawipa ah thumkhän cu ka läk ci nei” cik ci.

TAIGÜTHUM 5:5

Chang tumat cu a cheishoh ah a kyak ung a katnak cu ang paa vai.

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

2 SAMUEL 14:32

Absalom naw, “A i ah kyasei ci ung chang ka tüih law yah ung kä na law ah phäh ah kyak ci. Nang cu ghangpughang ah na hteh vai, kei ah ng’shi nak na m’thein vai ka ng’ya hlük ci, “A i ah kyasei kei naw Geshur hteh ta ne, shia ah ka law ang? Kei ah phäh ah cau ah ka om cu bä pi khai nei.” Absalom naw pyen ba ne, “Ghangpughang ka hmuh vai ah na na ci tu pek vai ah ka ng’ya hlük ci nei, kei ka hma nak a om ah akiak ung, ani naw kei cu na ngawn sä” cik ci.

EZRA 10:11

Tuhbäi ung nami pupa gui ah Khanpughi Bawipa ah ma ah nami katnak cu ng’coipa vä. Cun kawn ah ani ah yeikyai nak vai cu bi vä, nami khaw ung om tuk ciah akhohei chang gui awn ng’khoicha ne om vä. Akhohei chang nami chu gui cu nawng gui vä” cik ci.

JEREMIAH 2:35

Nami pyen cu, “Kei cu changniah ka kyak ci, ak cang ah Bawipa cu kei ah khan ah kä m’lungshe ba ci nei. Cun ung phi kei Bawipa naw ka ning m’kyuk gui khai, a i ah kyasei ci ung nangmi kä nami hmakak ci pyen nami ling ci.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

SUKI GUI 10:15

Cun ung phi Israel gui naw Bawipa ah ma ah, “Keimi kami shekak ci nei. Na m’hni ah na ci gui ä, cun ung phi tuhngawi, na bä ni, nah un gui ä” cik ci gui.

2 GHANGPUGHANG GUI 20:15

“Mang im kyong ah i ang ami hmuh?” A päng päng hmuk ci gui. Khei gui ah kyong ung kei naw kä ka m’hnuh gui a i kä om ci.

2 SHONTÄP NAK 6:26

“Na chang gui naw katnak bi ne ami ning hnungtuk püi yah ung khaw kä aa khai ah na k’pang ci, ngami ng’yuu ba u ne, shin ah Taigüim ah mang law u ne, m’lung neim nak awn ami taigü law ung,

EZRA 10:2

Cun kawn ah Elam pahta, Jehiela ah hta Shekaniah naw Ezra am, “Mikmi naw akhawhei hnumi gui awn ng’chungla ne, Khanpughi yum nak cu mi m’shet ci nei, Cun pang ung phi Israel gui ah phäh ah ngaih u vai om ba ci nei.

JOB 34:31

Na katnak gui cu Khanpughi ah ma ah na ng’kia ne ang? Kat nak kä na bi ba khai ah shaitak nak na bi ne ang?

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

JONAH 3:10

Cun ah ami bi cu Khanpughi naw hmu gui ci, ami katnak ami ng’hlah taak phi hmu gui ci. Cun ah kyasei ani naw am lung m’thawng ne, a pyen te ah mäih ah kä m’di gui hnga ci.