NG'THU K'THUUK~ 28:12 - Cho Bible Common Language 2016

¹² Changninaw huhmam agah law ung chang päng naw mtaam ngak ci, Cun ung phi changshe naw a uk law ah a kyak ung chang gui thup ne om püi gui ci.

NG'THU K'THUUK~ 28:12 Referans Kwoze

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

NG'THU K'THUUK~ 11:10

Düng ciah chang gui ah bä nak ni nak ung mang gaw cu yei ci, Changshe a sih ung yei ne m’lau nak om ci.

NG'THU K'THUUK~ 28:28

Chang omshe a huham mah law ung chang gui ng’thup ci gui. Cun ung phi ngami ah huham ang kyak ba ung chang dung gui naw uk ba khai gui.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

JEREMIAH 5:1

Jerusalem chang gui, nami lam gui ung dawng vä! Veing ne teng vä! Nami mät ah phäh ah teng vä! Ami sum lei hmun gui ung shui vä! Ng’düng nak bik ciah chang, Khanpughi ung bekhüt vai ah k’tha nak ciah chang, nami hmuh hning khai aw? Nami hmuh ah a kyak ung, Bawipa naw Jerusalem cu m’geisei khai nei.

THUSHÄUTU 10:16

Ghangpughang cu hmaw ne, ang vai gui cu, amü pum ei aw ne ami kyak ung, cun ah khawpäng cu khüikha nak ung gawk khai nei.

2 SHONTÄP NAK 7:10

cun kawn ah a cha chih nak ah hnüüp m’ku lei thum hnüüp ung Solomon naw chang gui cu ami im ah tüi ba gui ci. Israel chang gui ni, David la Solomon ni am Bawipa naw a pek gui ah hriham avan ah phäh ah ngami cu yeikyai ci gui.

1 GHANGPUGHANG GUI 19:3

Elijah cu kyi neta a phyawn vai ah dawng ci; ani naw a changshäm cu khah püi ne Judah khaw Beersheba ah hteit ci. A cu ah achangshäm cu nawng shüt neta,

1 GHANGPUGHANG GUI 18:13

Nang naw na ng’yak khai nei, Jezebela naw Bawipa ah prophet gui a ngawn gui sang ung, prophet phia cu hmakip ciah k’pai ne lungkhui ung thup gui ne, tui la ei cu ka tumbei gui ci nei.

1 SAMUEL 24:11

Teng ä, ka pa, na suinu ah mawng at ne ka kawt ci! Kei naw ka ning ngawn hning te ci. Cun ung phi na suinu bäng ka at ci. Kei naw nang kä ka ning hnu ng’tuk püi hlü nak la kä ka ning bi hlü cu a shin naw ning hmat sak ci nei. Nang ung a i hma nak kä ka bi ngä sei phi, nang naw kei na na ngawn khai ah na na ga nak ci.

JEREMIAH 36:19

Ngami naw ani pyen ah u ne, “Nang la Jeremiah cu hteit ne na ni ng’thuh vai. Nangni a hawi nani om cu a u naw kä a hmat en vai nei.”