Biblia Todo Logo
Bib sou entènèt

- Piblisite -




NG'THU K'THUUK~ 28:1 - Cho Bible Common Language 2016

1 Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

Gade chapit la Kopi




NG'THU K'THUUK~ 28:1
26 Referans Kwoze  

“Nami ga gui naw ami ning tuk law gui ung, Bawipa naw hniim gui khai. Ngami naw lam tumat ung law ne ami ning tuk law pang ung phi lam avan ung dawng ba khai gui.


Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.


Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.


Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.


Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.


Ang düihpüi gui cu cun ah kho ah ak shou om u ne, Bawipa ah mawng cu k’thamah nak awn pyein ci gui. Bawipa naw ngahmi-ah pyein ah am geinsei nak ah mawng akcang ah ang dang nak vai ah ngahmi am cäi aih gui vai la ngaih khit gui vai ami bi nak hlawt vai ah hlüngtai nak cu pe gui ci.


Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.


“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.


“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.


Cun ah chang gui cu Jordan tui güt ah hteit ci gui, lam pum ung suisak gui la a i bawi gui cu Sirian gui naw ami dawng nak ung m’chu shüt u sei hmuk ci gui. Cun kawn ah ngami cu hteit ba ne ghangpughang am m’thein ba ci gui.


Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.


Moses naw khüm nak ah ng’thu a pyen cu, ‘Na bawi gui ami van cu ka ma ah law ne kawp lawk khai gui, ka chang gui avan la ne ka hteh püi gui vai ah ngami naw na ng’paa law nak khai gui. Cun kawn ah kei cu ka hteit tuk khai” cik ci. Cun kawn ah Moses cu m’lungshe ne ghangpughang cu hteh tak ci.


Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.


Kei naw m’shang ne, “Kei cu dawng ci la ng’thup ciah chang ah ng’khaw ah kä ka kyak ci. Kei cu Taigüim ah ng’thup ne ka hnun ka k’phiawn khai ah na ngai ne ma? Cun ah kä ka kyak khai.”


Pawih ba ciah me gui ungka me suuk cu nang la na kyong ungka ah phäh ah kyak khai, na changshäm hnumi hta gui ah phäh ah phi kyak khai.


Nang gagui gakap tumat nami hmuh ung, nangmi phia khak nami dawng khai nei, nangmi avan nami dawng vai ah ga kap hma cu bä khai nei. M’htung lai ung alantäng bäng pawih khai, cun kawn ah a u gakap phi kä k’pawih khai nei!


Adonijah ah khin gui cu kyih u neta, ami van ng’düi law ba ne ami lam phäh phäh ung hteit ba ci gui.


Ani naw kyih vai ah k’aw gui cu ak hga awn ng’yak khai, Ngaih gep vai ah om ciah a ngaih yah ung m’guk ei gui naw ani cu tuk khai gui.


Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!


Düng ciah chang cu phyawng ci, ngaih gep ci, cun ung phi kä düng cicu phak khai gui.


Swiv nou:

Piblisite


Piblisite