NG'THU K'THUUK~ 27:9 - Cho Bible Common Language 2016

⁹ Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

NG'THU K'THUUK~ 27:9 Referans Kwoze

NG'THU K'THUUK~ 16:21

Cuivaine htingling cicu a hmuhmat ah phah ah aming thang ci, Ang thu gei law pi cicu yeikyai nak om law pi ci.

SAM 23:5

Ka gaa gui ah hmuh vai ah, nang naw mang ei na na chaam ci; Nang naw chang m’sui ne, khin ah na na dou ci, ka khap phi pleip khai ah na na k’be ci.

NG'THU K'THUUK~ 15:23

Hman ciah amawng ung cang nak thu pyen cu yeikyai nak ah kyak ci.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

JOHAN 12:3

Cun yah ung Mari naw ang htei ah a phu küi ciah Naduh tuing’ui awn Bawipa Jesuh ah akho cu hluk netah, alusam awn htuut ne ghu pek ci.

SAM 133:2

Cun cu Aaron ah lu ung yuk shawi ung, am khamu ung zu long ne, a suinu k’pei ung gawk ciah m’kui m’to nak ah tui ng’ui ah mäih ah kyak ci nei.

SUKI GUI 9:9

Olive-song naw, ‘Kei naw ka ning uk gui vai a kyak ung, khanpughi gui la chang gui m’tamkhah nak vai ah mang ung kei ah ka k’pli ka kyak cu ka ng’düm sak khai nei’ cik ci.

LAMKTU 28:15

Rom ah om ciah yum ciah chang gui naw kami gawk cu ng’ya u netah, Appius Market ah phi bäi, kami kai nak im tung thum ah khüt law ne phi bäi, na dou law gui ci gui. Ngami cu Paul naw hmu gui netah, Khanpughi m’hlüng m’tai ne k’tha mah law ba ci.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

NG'THU K'THUUK~ 7:17

Muran, aloes la cinnamon tui ng’ui gui awn ka k’peh ci.

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

1 GHANGPUGHANG GUI 1:12

Na hnun-gui la na hta Solomon ah hnun-gui nak phyawn hlü ah a kyak ung, kei naw ka ning m’shümthein khai,