NG'THU K'THUUK~ 27:7 - Cho Bible Common Language 2016

⁷ Na phü yah ung khoitui phi kä na m’hni khai, cun ung phi na cawi yah ung ei akha phi tuihlim khai.

NG'THU K'THUUK~ 27:7 Referans Kwoze

KHEI NAK 21:5

Khanpughi la Moses cu hnungtuk püi ne ng’htau ci gui. Ngami cu thu m’da u ne, “A i ah kyasei shin ah bungpuk ah kami sik khai ah Egypt khaw ah ka na na law püi gui ang? Shin ung ei vai phi kä om ci, tui phi kä om ci. Shin ah ei k’she awn kä kami ng’düi ba hning ci nei” cik ci gui.

JOHAN 6:9

“shi ah ak hmaw tumat naw m’hut pum hma la nga pahnih sho ci nei. Cun ung phi chang shikchü-am ng’büh khai ah käm bei hlawt vai nei” cik ci.

JOB 6:7

Kei ung cun ah mäih ah ei cu kä chem ci, kei ah ka ei nü naw kei na gaw sak ci.

NG'THU K'THUUK~ 24:13

Ka hta aw, khoitui ei ä, cun cu nik ci. Khoi phiai ungka khoitui ah mäih phi m’lei ung tui ci.

NG'THU K'THUUK~ 27:6

Nang khai ah aning bi ung phi teihpü cu khäng htek ci, Cun ung phi gaa läi naw na phleing khan ah a kut a taih ung phi — na geing nak vai.

NG'THU K'THUUK~ 27:8

A im kä m’tho ba ciah chang cu ang bu nawng ciah kha awn täng ci.