NG'THU K'THUUK~ 27:24 - Cho Bible Common Language 2016

²⁴ A i ah kyasei ci ung khawh cu kä ng’täi ci, changpakhui gui phi ng’täi ne kä om ci gui.

NG'THU K'THUUK~ 27:24 Referans Kwoze

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

JAMES 1:10

bühmang ciah khritha tumat cu Khanpughi naw a yuk neim sak ung yei kiai sä. Bühmang ci gui cu cheipai ah mäih ah thuum ne ng’kawn khai gui nei.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

JOB 19:9

Kei ah ka khawhcham gui avan nawt heng yawp ne, ka bämang nak cu dishum sak ci nei.

SAM 89:39

Nang naw na changshäm awn na thumkhän cu gäi ne, ani ah lukhu cu m’vut ung na chak pek ci nei.

JEREMIAH 13:18

Bawipa naw na pyen nak ci, “Ghangpughang la anu cu m’thein goi vä, ami mang kiang ungka kyum law u sä, a i ah kyasei ci ung ngami ah kyom ciah lukhu cu ami lu ungka kya law pyi ci nei.

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

EZEKIEL 21:26

Kei, uktu Bawipa naw ka pyen ci. Na mang lukhu la na lupawng cu suut ä. A i phi yän ä kaa ah mäih ah kä kya ba khai. Dukhaih ci gui cu huham pek gui vai, uktu gui cu yuk chak gui vai!

1 SAMUEL 13:14

Cun ung phi tuhbäi nang ah uknak cu kä ng’täi khai. A i ah kyasei ci ung nang naw ani kä na ngai ci. Bawipa naw ang yak hlü ah chang cu shui khai, cun kawn ah ak chang gui uktu ah pyang khai” cik ci.

NG'THU K'THUUK~ 23:4

Bä ciah na cüivai vai. Bühmang vai ah kä na tha nak aih vai.

THUSHÄUTU 5:13

Shin ah khomdek khan ung kyih vai sei, shin ung kei naw ka hmuh cu; chang gui naw a hlü law ung ami mang vai ah ami ngui cu m’cun m’sep ci gui,