NG'THU K'THUUK~ 27:22 - Cho Bible Common Language 2016

²² Nang naw chang a gu ang a sih ü awng güt na m’ghuih ung phi, ani ah gu ang nak cu ani ungka maih khai ah kä na m’ghuih hlawt khai.

NG'THU K'THUUK~ 27:22 Referans Kwoze

JEREMIAH 5:3

Akcang ah Bawipa naw bekhüt nak cu shui ci nei. Ani naw ning m’gein gui sei phi nangmi naw a i ah kä nami ngai ci; ani naw ning deng gui sei phi, nami ng’thei vai ah nami mak ci. Nangmi cu nami m’lung liing sei, nami katnak ungka kä nami ng’hlat law ba ci.

NG'THU K'THUUK~ 23:35

Nang naw “Kei cu na m’ghuih khai gui, kei cu na that khai gui, cun ung phi kä ka shüm ci, A i ah kyasei kei kä ka thawh law hning? kei ka awk ba mä vai hlü ci” na cik khai.

ISAIAH 1:5

A i ah kyasei nangmi naw nami hnu ng’tuk püi lä ang? Nangmi naw m’kyuk nak nami ng’ya ba hlü mä ne ma? Israel gui, nami lu cu hmaleim bäng ah kyak ci, nami m’lung la ngaih cu gaw pai pyi ci nei.

PHYAWN NAK 12:30

Cun ah mü ung ghangpughang, a bawi gui la Egypt chang gui ami van cu tho lawk ci gui. Egypt khaw avan ung m’lau ne kyap ci gui, a i ah kyasei ci ung a hta kä si tuk ciah im a u kä om ci.

PHYAWN NAK 14:5

Egypt ghangpughang am chang gui ami luat cu m’thein u sei, ani la a bawi gui cu ami m’lung ng’thawng khäta, “A i hawkcha ah ang mi bi law? Israel gui cu mi luat sak gui ci nei, mi changshäm gui ungka mi m’hlawt gui pyi ci nei” cik ci gui.

PHYAWN NAK 15:9

Ga naw pyen ci, “Kei naw k’täm ne ka pha gui khai; ami khawh cu k’pai pe gui ne, kei naw avan ka lak khai. Ka khim phawng neta ngami ung om ci avan ka lak khai.

NG'THU K'THUUK~ 26:11

Ui naw am lawk a hteh ba shi ah mäih ah chang gu aang naw akshe a bi cu bi ba mä ci.

JEREMIAH 13:23

Asa le naw avun cu ng’thawng sak hning ne ang? Kawng hta naw a git ng’plon sak hning ne ang? Cun gui ami kyak hning ah a kyak ung akshe gui cu angdüng ah kya thei khai gui nei.

1 SAMUEL 19:21

Saul naw cun ah mawng cu ng’ya neta, chang akda pi tui ba gui ci, ngami phi ng’lam ne m’lau ne kya tuk ci gui. Ani naw a thum nak ah chang gui tüiba gui ci, ngami phi acun ah mäih ah kya tuk ci gui.

1 GHANGPUGHANG GUI 13:33

Israel ghangpughang Jeroboam cu tu ä akshe abi nak ungka naw kä ng’hlat law ba ci, ani naw k’täi ne amät ah cawh ah sonkiang ung bii bik khai gui ah taigü gui cu kyongkhui düt ungka ghü gui ci. Ani naw taigü ah kya hlük ci phung phyuh theh nak pek ci.

NG'THU K'THUUK~ 14:24

Cuivai ciah chang m’cümhnah nak cu khawh cham ah kyak ci, anglam cicu agu ang nak awn chang naw hmat ci.