NG'THU K'THUUK~ 27:21 - Cho Bible Common Language 2016

²¹ Ghui la ngui cu mei awn m’nüm ah kyak ci, chang ah ming thang phi acun ah mäih ah m’nüm vai kyak ci.

NG'THU K'THUUK~ 27:21 Referans Kwoze

NG'THU K'THUUK~ 17:3

Ghui la ngui cu mei awn m’num ah kyak ci, chang ah m’lung kyong cu Bawipa naw m’num ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

SAM 66:10

Nang naw na na m’nüm gui ci, Khanpughi; Ngui cu mei awn m’nüm ah kyak ci, cun ah kyasei na na m’nüm gui ci.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

MALAKHI 3:3

Ani naw ngui ng’ciim khai ah m’cim ah mäih ah m’khoichak khai nei. M’si shep naw ghui la ngui am cim ah mäih ah Bawipa ah ng’shä tüih naw taigü gui cu theing sak gui khai nei, cun ah kyasei ngami naw Bawipa am, ng’düng cicu pe lawk khai gui nei.

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.

2 SAMUEL 14:25

Israel khaw ung Absalom ah mäih ah kyom sang ne mingthang ci a u kä om ci; ani cu alu ungka naw a khaw ah khüt sei akat nak a i kä om ci.

1 SAMUEL 18:30

Philistin gakap gui naw law ne tu lawk ci gui, cun ung phi ami ng’tuk nak päng ung Saul ah bawi gui ah ta David cu näng pi ci. Ak hnu ah David cu ang htei ah mingthang lawk ci.

LUKA 6:26

“Chang ah ning m’hlüngtai gui cu thüi sei vai kya ci, Ngami ah pupa gui naw, hleeihlak ciah profet gui phi acun ah M’hlüngtai man ci gui.

JOB 28:1

Ngui cawh nak ah khui gui om ci, ghui m’si nak ah hmun gui om ci.