NG'THU K'THUUK~ 27:18 - Cho Bible Common Language 2016

¹⁸ Thei ghing cu na m; htei ung thei na ei vai om khai, A bawi m’hteihtang ciah changshäm cu m’taamkhah nak om ci.

NG'THU K'THUUK~ 27:18 Referans Kwoze

2 TIMOTHI 2:6

Khüghaat ne kholo ciah chang naw väi lawk ciah geit cu, khäm ba ma khai ah kyak ci.

1 KORIN 9:7

A u gakaap naw amät ah ei ei ne ng’tuk bi man ne ang? A u lo k’bi naw a lo ungka a geit cu kä ei ah om mang ne ang? A u htome k’shäm naw a shäm ah htome ah suuktui cu kä awk ah om man ne ang?

SOLOMON NG’Ä~ 8:12

Solomon naw ngui phia gha cu yei ne gah ci, lo bik ci gui naw ami chaw ah ngui phia goi ci gah ci gui; kei ung sapyit lo cu ka mät ah ka ah om ci!

1 KORIN 3:8

M’shi geit ci la tui shawi cicu ani ng’lak mah nak kä om ci; Khanpughi naw ak chang sing cu amät ah bi phäh phäh ah ci ah m’cümhnah nak pek khai.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

LUKA 19:17

Ghangpughang naw, “Na bä ci, nang cu changshäm k’ni ah na kyak ci, api ung phi na bekhüt ci kyasei, gawnu ghaa na uk vai ka ning pek ci nei” ci nak ci.

MATTHE 24:46

Ani naw a mät ah a bi lawh gui vai phung akni ah abi cu a bawi law ba ne a hmuh ung yeikyai nak om ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

1 PETER 2:18

Changshäm gui nami bawi ah pyein ah nami om vai, m’gein thei ci bäng ah kä kya ne, ngetngawng ci phi nami kyih aa vai nei.

KOLOSE 3:22

Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

1 KORIN 9:13

Pum im kyong ah bi bik ciah chang naw pum im kyong ah ei vai gah ci, Mang kyang ung khawihhah ciah chang naw, mang kyang ung khawihnah nak cu gah tuk ci, cicu akcang ah nami hmat ci nei.

LAMKTU 10:7

Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah,

MAKUH 10:43

Nangmi läi ung cun ah mäih kä om-en sä. Nangmi ung kaa ng’vai pi hlük ciah chang cu nami van ah ngaih u vai ah a kiak vai nei.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

NG'THU K'THUUK~ 17:2

Cuivai ciah chang sham naw ghawi pai ciah a bawi ah hta ah khan ah huham mah ne pakhui khawh amshah cu gha thei ci.

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

PHYAWN NAK 24:13

Moses la ani bawm ciah Joshua cu pawng ge ni neta, Moses cu m’htung theing ung hang kai vük ci.

2 GHANGPUGHANG GUI 5:27

Tuhbäi Naaman ah gaw nak cu nang ah khan ah gawk sä, nang la nang ah hta ng’shon cu ngawi yä a cun ung gaw vä!” cik ci. Kehazi cu a hteh ba vai am, ani ung gaw nak gawk sei ani ah vun cu khüi toi ah mäih ah bawk ci.

2 GHANGPUGHANG GUI 5:25

Ani cu im kyong ah lut ba khäta, Elisha naw ng’shik ci, “A hawi na hteit ci ang?” Ani naw, “A hawi kä ka hteit ci nei” cik ci.

2 GHANGPUGHANG GUI 3:11

Ghangpughang Jehoshaphat naw, “Bawipa na ng’shi k’thäh pe gui khai ah prophet tumat mat shin ung kä om ne ma?” cine ng’shik ci. Ghangpughang Joram ah gakap bawi naw, “Shaphat ah hta Elisha om ci nei. Ani cu Elijah tawi ciah kyak ci nei.”

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

2 GHANGPUGHANG GUI 18:31

Hezekiah cu kä nami ngaih vai. Assiria uktubawi naw ning thumkhän gui ci, mang gaw ah akpung ah lut law ne nami dawkphah vai. Nami van naw nami sapyit phung ungka sapyit nami ei khai, nami thei ghing ungka thei nami ei khai, nami mät ah tui shawk ungka tui nami awk khai —

NG'THU K'THUUK~ 27:17

Chang gui cu tumat la tumat ng’thei theng tuk ci gui, m’sii awn m’sii k’tah ah mäih ah kyak ci.

NG'THU K'THUUK~ 27:19

Tui ung dang sei na hmuh cu na mät sah hmai ah kyak ci. Na mät ah na m’lung hmuh sak cicu na mät ah kyak ci.

ISAIAH 36:16

Hezekiah cu känami ngaih en vai nei! Assirian ghangpughang naw ning thumkhän gui ci, mang gaw k’pung ah lut law ne nami ng’paa vai nei. Nami mät ah sapyit ung ka ak thih nami ei khai, nami mät ah thei ghing ung ka thei ei u ne, nami mät ah tui shawk ung ka tui nami awk khai —

ESTA 6:11

Cun ah kyasei Haman naw suinu la ng’se cu la ne Modekai am pek ci. Modekai cu ng’se ung cuum sei Haman naw mang gaw avan ung hteh pui ne shikcha ah shau ci: “Ghangpughang naw ang yak hlü ah chang cu m’tamkhah ci nei!”