NG'THU K'THUUK~ 26:5 - Cho Bible Common Language 2016

⁵ Akcang ah ng’shik cicu akcang ah m’shan vai, Cun ung ng’shik ciah chang naw ani cu amät ah ngaih hlawk ah kä lung lang ciah hmat lawk khai.

NG'THU K'THUUK~ 26:5 Referans Kwoze

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

NG'THU K'THUUK~ 28:11

Bühmang ciah chang gui naw angtäi sei ami mät cüivai ci gui ah ngai ci gui.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

JOHAN 8:7

Ngami naw cun ah leng ba ba ne ng’shi laih u khäh tah, Bawipa Jesuh naw, “Nangmi ungka ah ma katnak kä om ciah chang naw, ani cu lung awn vawi law ma sä” cine pyen na gui ci.

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

NG'THU K'THUUK~ 26:4

Ak ang ah ning shi cu na m’shan ah a kyak ung, nang phi ning shik ciah chang ah mäih ah na ang ciah kyak ci.

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.

NG'THU K'THUUK~ 26:6

Ak gu aang am ng’thu na pyen sak ah a kyak ung, na mät naw na mät ah khaw na m’chün ciah kyak ci. Nang cu khüikha nak na k’thäh ciah kyak ci.