NG'THU K'THUUK~ 26:27 - Cho Bible Common Language 2016

²⁷ Chang hei ah awh nak vai ah cuun cuung ci gui cu, ami mät awk ba ci gui. Näng lawk ciah chang gui cu dishum ci gui.

NG'THU K'THUUK~ 26:27 Referans Kwoze

NG'THU K'THUUK~ 28:10

Changnicu akshe bi vai ah nak k’tük ah a kyak ung nang cu na mät ah thaai ung na kyak khai. Changnicu ak bä ah m’cümhnah nak gah khai.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

SAM 10:2

Changshe gui cu m’ghä ce u ne, dukhaih cicu dukdeiu nak ci gui; ami cun ung pha gui ci gui.

THUSHÄUTU 10:8

Khui shawk cicu khui ung ng’kyak ci, k’pang phyet cicu k’phyu naw m’cuuk ci.

SAM 57:6

Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

ESTA 9:25

Cun ung phi Esther cu ghangpughang ah hteit sei ghangpughang naw ca gu ne ng’thukbäi tei ci. Ak hnu ah ani naw Jew gui ah phäh ah a pawngpüi cu Haman amät naw ma nak ci, ani la a hta gui cu ng’awh k’tung ung m’awh gui ci gui.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

ISAIAH 3:11

Cun ung phi changshe gui cu ami khomü khai, chang hei ah khan ung ami bi ah mäih ah ami khan ung gawk law ba khai.