NG'THU K'THUUK~ 26:24 - Cho Bible Common Language 2016

²⁴ Thuvi ciah chang naw a thüi nak cu kä düng ciah ng’thu ah hnu ah ng’thup ci.

NG'THU K'THUUK~ 26:24 Referans Kwoze

NG'THU K'THUUK~ 12:20

Akshe bi vai ah pawng püi ciah chang cu, cäi vai ah shekak ci, Cun ung phi akni bik ciah chang naw yeikyai nak hmuk ci.

NG'THU K'THUUK~ 10:18

A thüigen nak thup ciah chang cu hleei ciah kyak ci, ng’pyen sak ciah chang cu gu ang ciah kyak ci.

SAM 41:6

Kei na teng lawk ci gui cu kä ng’awi gi ci gui; Ngami cu ng’bum u ne, kei ah mawng akshe ah pyen ci gui, ami hteh nak päng ah ngak ci gui.

NG'THU K'THUUK~ 14:8

A i ah kyasei lunglang ciah chang a vuivai ang? A i ah kyasei ci ung ani naw ai a bi vai hmat ci. A i ah kyasei ang lam ciah chang a gu ang ang? A i ah kyasei ci ung ani naw a hmat hta bang ngaih tuh ci.

NG'THU K'THUUK~ 12:17

Düng ci na pyen ung taga sei nabi ah kyak ci, hleeihlak nak naw kä taga nak gawk sak ci.

NG'THU K'THUUK~ 12:5

Düng ciah chang gui naw hmai kiang ne ning khawt püi khai gui, changshe gui naw ning m’hleeihlak khai gui.

NG'THU K'THUUK~ 11:1

Kä hman ciah nän nak mang cicu Bawipa naw thüi nak ci. Hman ciah khin nak cu Bawipa naw yei nak ci.

NG'THU K'THUUK~ 23:7

“Law ä, ng’khap ba ä!” cik khai, cun ung phi akcang ah kä kyak ci. Ani ah ngaih cu ahei.

JEREMIAH 9:4

Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

ATÜNNAK 34:13

Shekhem naw ami bee Dinah ak shedam nak cu Jakob ah hta gui naw kä yum u neta Shekhem la apa cu kahta na ne ng’thu püi goi ci gui.

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

2 SAMUEL 13:26

Cun ung phi Absalom naw, “Cun ung phi, a i ah akiak ung phi ka phäi Ammon baw tah, na law sak vai! Ghangpughang naw, “Ani a i ah kyasei ang?” cine ng’shik ci.

2 SAMUEL 13:27

Cun ung phi Absalom cu ling aih sei, ak hnu ah David naw Ammon la a hta gui avan cu Absalom ah khü nak ah hteh sak gui ci. Absalom naw ghangpughang ah phäh ah aktung ah pyang tham neta,

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

NEHEMIAH 6:2

Cun ah kyasei Sanballat la Keshem naw Ono khodou ah, pigaw tumat ung hteit ne ka hmuh gui vai ng’thu m’khäh lawk ci gui. Cun cu kei ami na hnim vai ah ami theileh ah kyak ci.

SAM 12:3

O Bawipa! Thuvi ciah m’lei cu dim sak ä. Khäh ghah ciah m’gawng cu bing sak ä,

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.