NG'THU K'THUUK~ 26:12 - Cho Bible Common Language 2016

¹² Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

NG'THU K'THUUK~ 26:12 Referans Kwoze

NG'THU K'THUUK~ 29:20

Kä ngaih-tüh ah ng’thu ng’htau ci cu, ak gu ang ah ta a ngaih u nak kä däm tuba ci.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

NG'THU K'THUUK~ 28:11

Bühmang ciah chang gui naw angtäi sei ami mät cüivai ci gui ah ngai ci gui.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

NG'THU K'THUUK~ 26:5

Akcang ah ng’shik cicu akcang ah m’shan vai, Cun ung ng’shik ciah chang naw ani cu amät ah ngaih hlawk ah kä lung lang ciah hmat lawk khai.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

LUKA 7:44

Bawipa Jesuh naw, “Nang ah ngaih cu hman ci nei,” ci nak ci. Cun kawn ah hnumi lam ah ng’hlat netah, Simon-am, “Shin ah hnumi na hmuk ci ang? Kei cu na im kyong ah ka luh law yah ung khaw m’si nak vai kä na na pek ci. Cun ung shin ah hnumi naw ang phli tui awn ka khaw nam si ne, alusam awn ghu pyi ci nei.

NG'THU K'THUUK~ 26:16

Chang dam naw amät ah ngaih nik ciah amawng ama pe hning ciah chang sing chih ah ta, hmuhmat tuba pi ciah ngai ci.

NG'THU K'THUUK~ 22:29

Bii akni ah bik cicu na m’hnuh vä, Ghangpughang ah chang gui ung päipih ci lani pi ciah ta, bä pi cicu ka ning m’hnuh gui khai nei.

NG'THU K'THUUK~ 3:7

Na mät na cüivai ciah na mät naw kä na ngaih va, Bawipa cu läk ne akshe cu na hlawi vai.

JOHAN 9:41

Bawipa Jesuh naw, “Nangmi nami mik am dauh vai sü ung tuhbäi nami kat nak kä om khai sü, cun ung phi keimi kami m’dei ci nei, nami cik ci kya ne, nangmi ung katnak om ci” cik ci.

NG'THU K'THUUK~ 12:15

Chang gu ang gui naw angtäi sei ami mät hman ciah ngai ci gui. Cüivai ci naw m’cäi ä ngai ci.

NG'THU K'THUUK~ 28:26

Na mat ah ngaih ba ah na om cu na gu ang ah kyak ci. Na phyawn nak vai ah cuivai ba pi ciah m’theithang cu na lak vai.

ISAIAH 5:21

Nami khaw mü ci nei! Nangmi naw nami mät cu cüivai ciah, lunglang aih ciah nami ngai ci.