NG'THU K'THUUK~ 25:25 - Cho Bible Common Language 2016

²⁵ A sho nak kho ah kaa ngh’thu ni ng’yak cu kho hu sei tui gha neta tui ak gei awsk ah mäih ah kyak ci.

NG'THU K'THUUK~ 25:25 Referans Kwoze

NG'THU K'THUUK~ 15:30

Hmai kiang nak naw chang yeikyai sak ci, ng’thu ni naw m’lung yei sak pi ci.

ROMAN 10:15

Thu ng’shäu khai a u naw kä a tüih ung, a u naw thu ng’shäu ne pyein khai ang! Cacim theing naw, “Thu Ni yon lawk ciah thukpüi gui ah law nak cu ng’khän häih häih ci nei”,

SAM 63:1

O Khanpughi, nang cu ka ning Khanpughi nei, kei cu nang awn ka ghing ci. Ka pumsa avan naw nang ning za hlük ci; chawng ne, ng’gau ne, tui kä om ciah ng’lei ah mäih ah ka mümcha naw tui ah ning gha ci nei.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

1 TIMOTHI 1:15

‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,

JOHAN 7:37

Ami pawi ah ang hning nak pi la ang pyi nak ah hnüüp ung, Bawipa Jesuh cu ng’düi law netah, “Tui gha ci naw kei ah law ne tui aw law sä;

JEREMIAH 18:14

Lebanon lung m’htung gui ung khüi kä a book nak om man ne ang? Cun ah m’htung ung khing ciah tui hta gui khawi man ne ang?

ISAIAH 55:1

Bawipa naw pyen ci, “Tui gha ciah chang nü law vä — shin ung tui om ci nei! Ngui kä tak ciah chang gui law vä — htam’guh khleih ne ei law vä! Law vä! Wine la suktui khleih vä — nang ung a i phi kä ng’pyi khai nei!

ISAIAH 52:7

Dimdeeih nak ah ng’thu, thuni law püi ne, khomhtung kau ne lawk ciah, shächang hmuh tu cu cäicat aih vai ah kyak ci nei! Ani naw näng nak ng’shäu neta Zion a pyen nak cu, “Na khanpughi cu ghangpughang nei!”

2 SAMUEL 23:15

David naw a im ah khaih neta a pyen cu, “Bethlehem m’kawt pei tuishawk ungka, chang tumat mat naw awk vai tui ana thak law vai cu ka ng’ya hlü aih ci nei.”

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

PHYAWN NAK 17:6

Sinai m’htung naw lungsheng khan ah ma ah ka ng’düi khai nei, cun ah lung cu na thah ung, tui lut lawk khai, chang gui naw awk khai gui” cik ci. Moses naw Israel ang vai gui ah ma ah a cun ah bik ci.

NG'THU K'THUUK~ 25:26

Changnicu changshe ah mäih ah am lungsi ung m’no ciah tuihta, thuk ciah tuibüm ah mäiha ah kyak ci.

ATÜNNAK 45:27

Cun ung phi Joseph ah ng’thu avan cu m’thein u sei, Joseph naw Egypt khaw ah a hteh nak vai ah am khäh law ah ng’sela gui cun phi hmu law neta, amlung cu üp ci.

JOSHUA 22:33

Israel chang gui cu yeikyai m’lung üp u ne, Khanpughi m’taam ci gui. Reuben la Kad chang gui ah om nak ah khaw, tuk vai, m’di vai, cicu kä pyen ba man ci gui.