NG'THU K'THUUK~ 25:2 - Cho Bible Common Language 2016

² Khanpughi cu kami m’tam ci, am yih m’thuh ah mawng ah phäh ah, ghangpughang gui cu kami m’taam gui ci, ami cangkha ah phä ah.

NG'THU K'THUUK~ 25:2 Referans Kwoze

THULÄÄN NAK 29:29

“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.

JOB 42:3

Kei cu a i kä hmat ciah kya lang ä sei, a i ah kyasei nang ah cüivai nak käng ngaih gep ne ka ng’shi ca ah mawng cu na na ng’shi ci. Kei naw kä ka hmat gui ah amawng la ka hmuhmat nak naw kä ak pha ah cäicat gui vai ah amawng cu ka pyen tuk ci nei.

JOB 38:4

Kei naw khomdek ka pyan yah ung nang na om tu ne ang? Nang na hmat akda ah akyak ung cun ah mawng cu na m’thein ä.

JOB 29:16

Kei cu dukhaih ci gui ah phäh ah pa ah kya ne, Khüikha nak ung gawk ciah chang hei gui ah phäh ah phi ka ng’düi man ci.

EZRA 4:15

Tuhbäi na pupa gui ah gimtha man gui cu shui teng sak gui ä. Cun ung shin ah mang gaw cu ak phlüt ah hnungtuk ciah gaw, cau ä tün ne ghhangpughang gui la khopäng uktu gui khüikha sak ciah gaw ah na hmuk khai nei. Shin ung chang gui cu akphlü ah uk gui vai khak ci nei. Cun ah kyasei mang gaw cu ami m’di ah kyak ci nei.

EZRA 4:19

Kei naw thukbäi ne apüh akheh ah bi sak gui neta cun cu akcang ah ka hmuk ci nei, cau ä tün ne shin ah Jerusalem naw bawimang ah huham cu hnungtuk ng’küknet püi ci nei. Amät cu hnungtuk nak la yaica nak vai bik ci gui awn be ciah kyak ci nei.

EZRA 5:17

“Tuhbäi bawimang aw, Babilon bawi ah rekawt ung shui ba sak gui ä, Jerusalem ung cawh ba vai ah Taigüim ah phäh ah Sairus naw Thukbäi a pek cu hmuh ba vai aw, i vai aw? Cun kawn ah shin ah mawng ung a i na ng’yak hlü cu na hmat ba sak gui ä.”

EZRA 6:1

Cun ah kyasei Dirius ghangpughang naw thukbäi ne, Babilon ung mi gim ah bawi ah rekawt cu shui sak gui ci.

NG'THU K'THUUK~ 25:3

Ghangpughang naw ai a ngaih-tüh cu nang naw kä na hmat ci, ani ah ngaih-tüh cu kä mi pha ci, khomik ah mäih ah hlüng ne tuinu ah mäih ah thuuk ci.

THULÄÄN NAK 29:28

Bawipa cu mlungso ne nget law neta, ani naw adäm duh ciah amlungshe nak awn ami khaw ungka ang yung ah mawi gui ne, a khaw hei ah ghawt gui ci. Ngami cu tuhngawi a cu ah om ci gui.

2 SAMUEL 1:5

“Saul la Jonathan ah sih cu a i hawkcha ah nang na hmat ang?” cine David naw ng’shik ci.

2 SAMUEL 14:19

Ani naw hnumi am, “Joab naw ning m’cäi naw?” cik ci. Hnumi naw, “Theing cim ci avan awn ka ng’gun ci nei, bawi mang aw, na na ng’shi kä ning m’shang ne hlawi nak vai ah lam kä om ci nei. Akcang ah a i bi vai la a i pyen vai ah na m’cäi cicu na bawi Joab ah kyak ci nei.

NG'THU K'THUUK~ 25:27

Khoitui ada aih ah a kyak ung nang ah phäh ah kä nik ci, a cun ah mäih ah m’taam khah vai tha nak aih phi kyak ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.