NG'THU K'THUUK~ 25:18 - Cho Bible Common Language 2016

¹⁸ Kä hman ciah ng’gu k’bün nak cu sih nak ah khim ghat, htung tawn la m’la ak ghat ah mäih ah kyak ci.

NG'THU K'THUUK~ 25:18 Referans Kwoze

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

JAMES 3:6

M’lei cu mei awn täng ci, cheishoh nak ah phung ah kyak ci; m’lei cu pumsa ah ang pai tumat ah kya ne, shetkat nak cu pumsa avan ung gawk sak ci. M’lei cu mei ah ng’düi ne, mi ghin nak avan cu m’htei mei awn, na uih sak gui thei ci.

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

JEREMIAH 9:3

Ngami cu akphlüt ah hleei pyen ge vai ah om ci gui; Düng nak ah hnün ung kä ng’düng nak gui naw kho uk ci. Bawipa naw pyen ci, “Ka chang gui naw akshe cu tumat ng’pyi sei tumat bik ci gui, kei ami na Khanpughi ah käng kiaa man ci gui.”

NG'THU K'THUUK~ 24:28

Cang nak ah amawng kä om ciah chang tumat hnungtuk püi ne, kä na saksi vai, ani ah mawng kä akni ah kä na pyen vai.

SAM 140:3

Ngami ah m’lei cu sih nak ah k’phyu ah mäih ah kyak ci; Ngami ah ng’thu cu m’htung k’phyu ah m’äm ah mäih ah kyak ci.

SAM 52:2

Nang cu chang m’di vai na pawng aih ci; Nang ah m’lei cu sem ghaat awn täng ci. Nang cu angtäi sei hleei nak na tüisho ci.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

PHYAWN NAK 20:16

“Hleei pyen ne kä na saksi vai.

NG'THU K'THUUK~ 25:17

Na im ng’phei ah ashäng shäng aih kä na om tu vai. Ani cu nang ah phäh ah bawngbai neta ning gen lawk khai.