NG'THU K'THUUK~ 25:14 - Cho Bible Common Language 2016

¹⁴ Shaitak bi neta kä pe phung ciah chang cu, kho kä aa sak phung ciah khongmei la khokhi ah mäih ah kyak ci.

NG'THU K'THUUK~ 25:14 Referans Kwoze

NG'THU K'THUUK~ 20:6

Chang päng naw amät a i hlawk ah a hläkhäm la a bekhüt ah mawng cu pyen ci, Cun ung phi k’tha na ne nami shui vai, a u ang ak cang cu?

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

1 GHANGPUGHANG GUI 22:11

Ngami ungka tumat, Chenaanah ah hta Zedekiah naw m’si puuk pyang neta Ahab cu pyen nak ci, “Shin cu Bawipa pyen nei; “Shin awn nang naw Sirian gui na tuk ah a kyak ung na hnim gui yawp khai nei.”

JEREMIAH 5:13

Ngami naw ami pyen cu, prophet gui cu a kholä nei, ngami cu khokhi nei, ngami ung Bawipa ah ng’thu kä om ci nei. Bawipa m’gäi ciah Khanpughi naw kei na pyen nak ci.” Jeremiah, shin na chang gui naw shin na müih ah ng’thu ami pyen na phäh ah nang ah m’gawn ung kei ah ka ng’thu cu mei ah mäih ah ka pyang khai nei. Chang gui cu sing ah mäih ah kyak khai gui, ngami cu mei naw ui gui yawp khai.”

MIKHAH 2:11

“Cun ah chang gui naw akbe ah hleei ne thuvi ciah prophet cu ng’ya hlü u neta, ami pyen cu, ‘Kei naw ka ng’cä cu yu la awktat vai gui cu nangmi ah phäh ah long khai nei.’