NG'THU K'THUUK~ 25:12 - Cho Bible Common Language 2016

¹² Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

NG'THU K'THUUK~ 25:12 Referans Kwoze

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

NG'THU K'THUUK~ 15:5

Apa ah m’thei hnu nak cicu chang gu ang ah kyak ci. Apa ah m’shumthein dou cicu cuivai ciah kyak ci.

NG'THU K'THUUK~ 20:12

Bawipa naw hmuh nak vai ah mik la ng’yak nak vai ah hnga cu na pe gui ci.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.

JOB 42:11

Joba ah phäinau gui avan la ayan ateihpüi gui cu ani ah law ne om law tu u ne, ani ah im ah ei awk ci gui. Ani ah khan ah Bawipa naw alaw püi ah khuikha nak gui avan phäh ah ami m’geinsei nak la ami m’lung üp sak nak cu m’dang ci gui. A chang sing naw ngui la ghui kutcüp cu pe tuk ci gui.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

PHYAWN NAK 32:2

Aaron naw ngami am, “Nami chu gui, nami hta gui la nami hta hnumi gui naw ami naak ah hnganaak gui cu la neta kei ah nami law püi vai” ciah pyen na gui ci.

PHYAWN NAK 35:22

Peta hlük ciah hnumi pami avan naw cüiche ah kutkhih, hnganaak, kutcüp, äh awi la ghui lung a hlü hlü cu law püi u ne Bawipa am ap ci gui.

2 SAMUEL 1:24

“Israel hnumi gui Saul ah phäh ah thüi kyap vä! Ani naw bämang päsui, ning m’sui gui ne, ghui la pyü lung ning m’awi gui ci.

JOB 28:17

Cun cu ghui ah ta ni tuba ci, lung hman ciim ah ta ni tuba ci.

THUSHÄUTU 7:5

Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.

EZEKIEL 16:12

Hna ung naak la hnga ung naak gui la kyom ciah lukhu phi ka ning pek ci.