NG'THU K'THUUK~ 24:31 - Cho Bible Common Language 2016

³¹ Cun cu ng’hling plum awn be ci, m’ghaw bäng ah kyak ci. Lung paang cu piawn ne kya lawk ci.

NG'THU K'THUUK~ 24:31 Referans Kwoze

THUSHÄUTU 10:18

Chang tumat cu dam aih ne, a im k’cih nak kä a pyan ba ah akyak ung, ak cih cu htee ne, im cu ng’phyek khai nei.

JEREMIAH 4:3

Bawipa naw judah la Jerusalem chang gui cu pyen na gui ci, “kä thawn pha ah nami lai gui cu thawn vä; ng’hling gui ah ng’lung ah nami geit m’shi kä phu en vä.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

MATTHE 13:7

M’shi amshah cu ng’hling hmu ah kya lawk ci, ng’lih pyo tupang ne phi, ng’hling gui naw k’düi u sei, si ba yawp ci.

NG'THU K'THUUK~ 23:21

Awktat ci la ei tat ci gui cu pyam nak pyang ciah kyak ci gui. Na bilawh phung cu ei la ih bäng ah a kyak ung nang cu tuhbäi ge suishe na sui khai.

NG'THU K'THUUK~ 22:13

Chang dam cu im ah om ci, k’pung ah ka luh law ung phongkawng naw na lo khai, cik ci.

NG'THU K'THUUK~ 20:4

Lai thawn khin ung lai athawn vai ah dam ciah lai bik cicu geit akham vai ka om ci.

NG'THU K'THUUK~ 19:23

Bawipa cu na lak vai, cun ung akshou na ghing khai, bühbei ne leigai na phyawn nak khai,

JOB 31:40

kei ah lo lai ung püm la htang ah a thawh nak vaisü ung m’gho la ng’hling gui bang tho sä. Joba ah ng’thu shin ung ng’pyi ci nei.

JOB 30:7

Khisa gui m’ghaw bup ung ami om ah mäih ah k’bup ung ng’tawk ci gui.

NG'THU K'THUUK~ 24:32

Kei naw cun cu teng ne ka ngai ci, ng’thei nak tumat ka gah ci.

NG'THU K'THUUK~ 13:4

Dam ciah chang naw a i hlawk ah ang yak hlü phi kä gah hlawt ci. Ng’khüi ne bik ci naw angyak hlü phung gah ci.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.