NG'THU K'THUUK~ 24:28 - Cho Bible Common Language 2016

²⁸ Cang nak ah amawng kä om ciah chang tumat hnungtuk püi ne, kä na saksi vai, ani ah mawng kä akni ah kä na pyen vai.

NG'THU K'THUUK~ 24:28 Referans Kwoze

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.

NG'THU K'THUUK~ 25:18

Kä hman ciah ng’gu k’bün nak cu sih nak ah khim ghat, htung tawn la m’la ak ghat ah mäih ah kyak ci.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

MATTHE 27:23

Pilat naw, “Ani naw a i katnak ang a bi?” cine ng’shi guici. Cun ung phi chang gui naw, “Kutlamtung ung tai ne ngawn vai nei,” cine ami k’aw m’can ne m’lau ci gui.

NG'THU K'THUUK~ 21:28

Hleei ne saksi cu yum vai kä kyak ci. Cun ung phi chang tumat mat naw ngaih-tüh nata ang thu cu dou ah kyak ci.

NG'THU K'THUUK~ 19:9

Yung ah m’kawt ung a hleei pyen cicu m’kyuk nak ka phyawn nak khai, Ani cu ng’yiin khai.

NG'THU K'THUUK~ 19:5

Nang cu yung ah m’kawt ung na hleei na pyen ung m’kyuk nak na gah khai. M’hlawt nak ka om khai.

NG'THU K'THUUK~ 14:5

Akcang pyen ciah saksi naw angtäi sei a cang pyen ci. Ka acang pyen ci naw a i a pyen vai ka om sei a hleei pyen ci.

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

SAM 35:11

Changshe gui naw na hnu ng’tuk püi u ne, kä ka hmat ah a mawng ama nak bün ci gui nei.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

JOB 2:3

Bawipa naw, “Ka changsahäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung tumat phi kä om ci nei. Ani naw kei cu na khawihnah ne akshe kä a bi vai ah geing nak ci nei.” Nang naw amwng ama kä om ciah phäh ah ani na tuk vai ah kei na na tük phlawh ci nei. Cun ung phi Joba cu abekhüt man ah bekhüt gäk gäk ci nei” cik ci.

PHYAWN NAK 23:1

“Ng’thukshe cu kä na k’püi tu vai, ng’thukshe awn saksi ne changshe kä na gun tu vai.

PHYAWN NAK 20:16

“Hleei pyen ne kä na saksi vai.

TAIGÜTHUM 6:2

Chang tumat naw Bawipa hnungtuk püi ne katnak a bi ah a kyak ung, douthak nak abi vai. A Israel chang paw naw anawng tu shüt kä pe ba ci naw, ani ah khawh m’guk pek ci naw, m’hleeihlak ci naw,

TAIGÜTHUM 6:3

chük ciah khawh ah phäh ah kä ka hmuk ci, cine, hleeihlak ne ng’taam ciah chang naw,

TAIGÜTHUM 19:11

Kä m’guuk vai, kä thuvi vai, kä hleei vai.