NG'THU K'THUUK~ 24:22 - Cho Bible Common Language 2016

²² Cun ah mäih chang cu a shänghta dishum khai. Na ngaih-tüh ne ang? Khanpughi kä cun ung ghangpughang naw leigai kyak sak hning ci, ci cu?

NG'THU K'THUUK~ 24:22 Referans Kwoze

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

SAM 90:11

Na m’lungshe nak ah huham akbe a u naw hmat thei ne ang? Na ngetngawng nak naw a i hlawk ah kyih vai law püi hning ci cicu a u naw hmat ne ang?

NG'THU K'THUUK~ 20:2

M’ngawk ciah phongkawng kyih ah maih ah m’lungshe ciah ghangpughang cu nami kyih vai. Ani m’lungshe sak cicu ng’cawh ciah kyak ci.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

NG'THU K'THUUK~ 6:15

A cun ah phäh ah kä ngaih ah hungsai naw m’di gui sei, ciin ne ng’pyi khai gui.

NG'THU K'THUUK~ 24:16

Düng ciah chang cu a i chü vei a kyuk ung phi a i ah kä kyak ci. Angtäi sei tho ba ci, cun ung phi chang shekha cu leigai naw m’di ci.

1 GHANGPUGHANG GUI 1:49

Adonijah ah khin gui cu kyih u neta, ami van ng’düi law ba ne ami lam phäh phäh ung hteit ba ci gui.

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.