NG'THU K'THUUK~ 24:21 - Cho Bible Common Language 2016

²¹ Ka hta aw, Bawipa cu na kyih aa vai, Ghangpughang cu na m’tam khah vai. Ngami hnungtuk püi gui ciah chang awn nami bi ghawm vai a i kä om ci.

NG'THU K'THUUK~ 24:21 Referans Kwoze

TITUS 3:1

Kho uk ci gui la huham ah gui cu kyih aa ne, ami ng’thu ami ngaih vai la nik ciah bi phung bi ge vai ah ami om vai ah nak chang gui cu nam cäi gui vai nei.

1 GHANGPUGHANG GUI 12:16

Chang gui naw ghangpughang naw a i ah kä a ngaih gui cu hmu u neta, m’lau ci gui, “David la akyong chang cu nawng gui vä! Ngami naw mikmi ah phäh a i ang ami na bi pek gui man? Israel chang gui, mi im ah mi hteit ba khai nei! Rehoboam naw amät naw amät teng sä!” Cun ah kyasei Israel chang gui naw hnungtuk püi u ne,

MATTHE 22:21

Ngami naw, “Ghangpughang ah müi, ghangpughang ah ming nei,” cik ci gui. Cun kawn ah Bawipa Jesuh naw, “Ghangpughang ah kaa cu ghangpughang-am ap ba vä, Khanpughi ah kaa cu Khanpughi-am ap ba vä,” cine kyak na gui ci.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

1 SAMUEL 24:6

ani naw ak chang gui am, “Bawipa naw ka bawi ah khan ah nat nak kä ka bi vai ah na k’pang ci, ani cu Bawipa naw ghangpughang ah a ghü ah kyak ci! Kei naw ani api ah phi kä ka nat sak khai, ani cu Bawipa naw a ghü ah ghangpughang ah kyak ci!”

2 SAMUEL 18:8

Ami ng’tuk nak cu khawbung avan ung gawk sei, bung hmu ah sik ci cu, ng’tuk nak ung sik ciah ta däm pi ci.

1 GHANGPUGHANG GUI 1:49

Adonijah ah khin gui cu kyih u neta, ami van ng’düi law ba ne ami lam phäh phäh ung hteit ba ci gui.

NG'THU K'THUUK~ 17:11

Sih nak cu m’ghämce ciah ng’shä ah mäih ah kya ne angtäi sei leibei m’tho ciah changshe gui ah gawk lawk khai.

NG'THU K'THUUK~ 23:17

Hmakat ciah chang ah khan ah kä nami vamneng vai, Bawipa kyih aa sak ne, nami ghin päi vai.